STENBOL - Şubeyê OHDyî yê Stenbolî seba zêdebîyayîşê hêrişê serê çapemenîya azad, ajansê ma zîyaret kerd.

 

Komeleya Huqûqnasê Seba Azadîye (OHD) seba paştdayîşî ame zîyaretîya ajansê ma. Hemserekanê Şubeyê OHDyî yê Stenbolî Esra Bilen û Gurkan Îstekli û avûkat Îbrahim Bilmez ameyî zîyaretîyê ajansê ma. Heyetê OHDyî bale ant serê tedayê ke zêde bîyê.

 

Avûkatan eynî wextî de dayî zanayîş ke ê do tim bi kedkarê çapemenîya azade dir mîyanê paştdayîş de bê.