ŞEHBA - Bi hezaran welatijê Efrîn û Şehbayî bi meresîmêkê bi heybet cenazeya pakrewan Barîn Botane defin kerdî.

 

Şerwana Antî Terorî Barîn Botane ke bi hemrayanê xo Jîyan Tolhildan û Roj Xabûrî dir rayîrê mabêne Qamişlo û Hesekî de netîceyê topvaranê dironêkê bêmerdimî yê dewleta tirke hedef ameyî girewtiş û resayî sewîyeya şehadetî. Vizêrî bi hezaran welatijê Efrîn û Şehbayî bi merasîmêkê heybet goristanê şehîdanê Xoverdayîşê Serdemî yê qezaya Ehrezî ya Kantonê Şehbayî de defin kerdî.

 

'Ma teror nêyê, ma şerê terorî kenê'

 

Endamê Meclîsê Keyeyê  Şehîdan ê Efrînî Hesen Berko sersaxî keye rê waşt û wina vat: "Ma sersaxî keyeyê şehîdan rê, Rayber Apo rê û gerîlayê serê koyan rê wazenê. Yê ke heyfê şehîdan bigîrê, şerwanê ma yê. Şaro welatperwer, seke ma zanê her hîrê fermendarê ma bi dironê dewleta tirke ya îşxalkere ra hedef ameyî girewtiş, binê nameyê ke dewleta tirke şerê terorî kena la temamê dinya zano ke qehremanê ma hemverê terorî de şer kerdî û ganê xo fedayê şarê xo kerdî. Şerwanê ma  Kobanî, Minbic û Reqa û Tebqa de zorê dişminî berdî. Sewbîna  şarê Şengalî wehşetê çeteyan ra pawitî. Seba nê şerwanê ma teror nîyê, vera terorî de şer kenê. Nê dir zî bêbextîya Rusya û Amerîka vejîyeno werte. Yê ke bi nameyê Neteweyê Yewbîyayeyî xo bi name kenê, ma nameyê înan kenê yewîya dîktatoran. Seba ke bi îradeyê xo nêwurzenê. La wa baş bizanê ke heta ke tutê ma bibê, heta ke milîtanê rayber Apo bibê, do serkewtiş pare ma bibo."

 

Dima ra wesîqeyê Barîn Botane ame wendiş û teslîmê keyeyî kerdî. Dima ra bi tilîliyê mayan cenazeya Barîne defin kerdî. 

 

Merasîm bi sersaxîya keyeyî peynî bi.