WAN - Awankerdoxa Komeleya Cinîyan ê Starî Emîne Bozkurt, reaksîyon vera qerarê Şûraya Dewlete ya seba Peymana Stembolî mojna û vat: "Ma fek peymane ra vera nêdanê û seba cinî û tutan têkoşînê xo pîl kenê.

 

Tirkîya 20ê Adara 2021î de bi îmzaya Serekkomar Recep Tayyîp Erdoganî Peymana Stenbolî ke serê esasê vernîgirewtişê şîdetê serê cinîyan de ameyo kerdiş, ant. Rêxistinê cinîyan, baro û sazgehê sîvîlî seba vindarnayîşê qerarî muracatê Şuraya Dewlete kerdî. Pêwa nêzdîbîyayîşê dozgerîye yê derheqê dewayê ke 28ê nîsane, 7, 14 û 23î hezîrane de 10in Odaya Şûraya Dewlete de ameyî vînayîş zî dadgehe 19ê Temmuze de îtîrazê cinîyan ê derheqê vindarnayîşê qerarî de red kerdibi û peyserantişê serekkomarî yê Peymana Stenbolî tesdîq kerdibi. Cinîyê ke reaksîyon vera qerarî danê hûmara înan zêde bena. Cinîyan dîyar kerdî ke ê bi vejîyayîşê meydanan fek peymane ra vera nêdanê û vatî ke ê do muracatê heme rayîrê huqûqî bidê.

 

Hemverê qerarê Şûraya Dewlete, Komeleya Cinîyan ê Starî yê Wanî ra reaksîyon ame. Awankerdoxê komeleye ra Emîne Bozkurt, dîyar kerd ke qerarê antişî tu manaya ci çin o û ê do têkoşînê xo dewam bikerê.

 

Mesaj danê komelî

 

Emîne dîyar kerd ke antişê Peymana Stenbolî hemverê huqûqî yo û wina vat: "Tirkîya bi qerarê ke fekê yew kesî ra vejênê yena îdarekerdiş. Şûraya Dewlete bi nê qerarî mesajê, “Şima se bikerê, çi qas hewl bidê zî no keso ke welat ra berpirsîyar o, do qerarê ey bo" danê cinî û komelî. No qerar Kaos o. Ma îdia kerd ke hukm xoser o û ganî wina bibo. La eke Şûraya Dewlete nê qerarî bigîro, yeno manaya ke serekê partîyêke sîyasî est o ke hukm serê komel, ekonomî, huqûq û edaletî keno û qerar hetê ey ra yeno dayîş. Sebebê israrkerdişê ma yê Peymana Stenbolî o bi ke kesê tacîz û tecawuz kerdê bêrê cezakerdiş. Tacîz û tecawuzkarî goreyê cil û belgê xo yenê hukmkerdiş û 'ceza' gênê. Ma Peymana Stenbolî de israr kenê ke vernîya nê çîyan padê."

 

Qerar surprîz nîyo

 

Emîne dîyar kerd ke Tirkîya de huqûq û hukm xoser nîyê û vat, "Ma zanê ke hukm hetê kamî ra yeno kerdiş" û da zanayîş ke înan nê çî îdarekerdişê Tirkîya ra fam kerdo. Emîne dîyar kerd ke ê do xo ver bidê û wina dewam kerd: "Ma do têkoşînê cinî û tutan dewam bikerê. Beno ke peymana Stenbolî bêro betalkerdiş. Beno ke Şûraya Dewlete red bikero, la ma do pêro çalakî û xebatanê xo yê bi qanûnî, her tim nê bîyarê vîr. Têkoşînê ma yê cinîyan her tim do dewam bikero."

 

'Ma do fek peymane ra vera bidê'

 

Emîne, tewr peyîn wina vat: "Ma verê hemverê qerarê hukmî xo ver da, nika zî ma do xo ver bidê. Têkoşînê ma yê hemverê huqûq û hukmî do tewr xurt bibo û dewam bikero. Tirkîya de her roje 5 cinî yenê kiştiş û kiştoxê heme cinîyê ke ameyê qetilkerdiş dîyar ê. Ma do nê hesabî her ca de pers bikerê."