RIHA - Keyeyê Şenyaşarî venga  “Hema siba nêbîyo erey, ganî waştişê ma yê însanî bêrê qebûlkerdiş” Wezaretê Edaletî û Walîtya Riha kerd.

 

Merdim û pawitoxê parlamenterê AKPyî Îbrahîm Halîl Yildizî 14ê hezîrana serra 2018ine de Pirsûsê Riha de hêrişê dikanê keyeyê Şenyaşar kerd. Netîceyê hêrişî de cinî û 2 lajê dayîka Emîne Şenyaşare ameyî qetilkerdiş. Seba ke kiştoxî bêrê muhakemekerdiş û tepiştiş, Emîne Şenyaşar û lajê ci Ferît Şenyaşar ke qirkerdiş ra bi birîndarî xelas bibi, 9ê adara serra 2021ine de vernîya Edlîyeyê Riha de dest bi Nobeta Edaletî kerdibî. Çalakîya keyeyî roja 503ine de dewam kena. Seba ke peynîya hewte yo, edlîye padaye ya û keye çalakîya xo keyeyê xo yê Pirsûsî de dewam keno.

 

Derheqê babete de keye serê hesabê xo yê medyaya dîjîtale de  venga Walîtîya Riha û Wezaretê Edaletî kerd: “Rayîrê ma zahmet û derg o. Hema siba nêbîyo erey, ganî waştişê ma yê însanî bêrê qebûlkerdiş. Seba ke ma bieşkê biciwîyê û bidê ciwîyayîş, ma do fek waştişê xo yê edaletî vera nêdê..."