RIHA - Wesayîtê karkeranê mewsimî qelibya û 2 kesî dinyaya xo bedilnaye. Sewbîna 17 karkerî zî birîndar bî.

 

Minibusa karkerê mewsimî ke karkeran taxa Muratli ya ke girêdayeyê qezaya Serêkanî yê Rihayî ra berdêne Deşta Qoserî, taxa Buyuk Bogaziye de qelibya. Dimayê qeza, tîmê weşîye sewqê cayê serebûtî ameyî kerdiş. Karkeran ra Furkan Kalemlî (15) û Hasret Kuş (20) cayê serebûtî de dinyaya xo bedilnayî û 17 kesî zî birîndar bî.

 

Birîndaran wedarnayî Nêweşxaneyê Dewlete ya Qoserî û nêweşxaneyê xususî yê qezaye. Her di karkerê ke merdî zî wedarnayî nêweşxaneyê dewlete.