ŞIRNEX - Darê ke mintiqaya Şirnexî de binê kontrolê esker û qorîcîyan de yenê birnayîş, serê facebookî de yenê rotiş.

 

Mintiqaya Bestayî ya Şirnexî û Koyê Cûdî û Gabarî de bi nêzdîyê 2 serrî yo eskerî bi destê qorîcîyan xoza talan kenê. Bi xususî zî  dewanê Keniyamîr, Birateto, Birapeşo, Deyndarok, Cinîwer, Belûzer, Rîsor, Serêrû, Tîkera, Qûrteka Pêşya, Girêdayincî, Şerevan, Xirtkbestî û Navyanî yê mintiqaya Bestayî de bêmabên darî yenê birnayş. Birnayîşê daran hende zêde bi ke seba xeylêk kesan bi çimeyê talanî. Darê ke yenê birnayîş hetê xeylêk kesan ra serê hesabê medyaya dîjîtale de yenê rotiş.

 

Serê facebookî de rotişê daranê Şirnexî

 

Darê ke mintiqaya Besta û Koyê Cûdî de bi destê qorîcîyan yenê birnayîş, serê keyepelê “ŞIRNEX 2. EL SAHÎBÎNDEN SATIYORUM.” Facebookî de yenê bazarkerdiş û yeno vatiş; "Darê ke yenê rotiş, darê balû yê û her ca rê yenê şawitiş, heqê ameyîşî şima ra yo û vayîya ci hezar û 150 lîra yo." Dîmenê ke mîyanê TIRêke de pirrî darî ci de yê, hetê hesabê bi nameyê Memo Can ame pareke