AMED - Merdimê tepişteyan ke vatî, "Esasê cuye edalet o", reaksîyon vera bêvengîya selahîyetdaran ê hemverê waştişê xo dayî û vatî, "No dişminîyêkê senîn o?"

 

Nobeta Edaletî ke keyeyê tepişteyan seba tepişteyanê nêweşan û tepişteyê ke veradayîşê înan ameyo taloqkerdiş, bêrê veradayîş, Amed de dabî destpêkerdiş ewro  verê Sazgehê Tipê Edlî de dewam kerd. Hereketê Cinîyan ê Azadan (TJA), Endam û îdarekarê Komeleya Paştdayîşî û Paştdayîşê Keyeyê Tepişteyan û Hukumwerdoxan (TUAY DER), Komeleya Yewîye ya Kulturê Paştdayîşî û hetkarîya bi kesen Dergûşê Şaristanîyê Merdimanê xo vînî kerdê (MEBYA-DER), Komeleya Cigêrayîşê Kultur û Ziwanê Mezopotamyayî (MED-DER) û Komeleya 78ine zî paştdayîş dayî çalakîye.

 

'Ma qebûl nêkenê'

 

Merdimê tepişteyan ra Încî Gulera ke çalakî de qisey kerd,  dîyar kerd ke bi mengan o çalakîya înan dewam kena la selahîyetdarî hemverê waştişê înan bêveng ê. Încî wina dewam kerd, "Eke goreyê qanûna têbigêrayîne, do ewro tepişteyê nêweşî zîndan de nêbîne. Wazena her kes destê xo bido serê wijdanê xo. La nika ez kamî ewnîyena, zerrîya înan bîya kerra. Ganî her kes wayîrê tepişteyan vejîyo. No dişminîyêk senîn o?  Se beno wa bibo ma binpaykerdişê heqan qebûl nêkenê."

 

'Bingehê cuye edalet awan keno'

 

Încî venga partîyanê sîyasî zî kerd û vat: "Qanûnî meclis ra vejênê bi îmzayanê înan vejênê. Ganî şima baş bizanê ke bingehê cuye edalet awan keno."

 

Eşkerayîye bi sloganê, "Biciwîyo xoverdayîşê zîndanan. "Heq huqûq edalet" peynî bî.