ANQARA - Serdozgerîya Komare ya Mêrdînî derheqê muxabira ma Oznûr Deger de bi îdiayê “propagandaya rêxistine” kerda, cipersayîş da destpêkerdiş. 

Serdozgerîya Komare ya Mêrdînî derheqê muxabira ajansê ma  Oznûr Deger de bi îdiayê “propagandaya rêxistine” cipersayîş da destpêkerdiş. Sebebê cipersayîşî zî parekerdişê Oznure yê serê  hesabê aye yê medyaya dîjîtale ameyî ramojnayîş.

 

Oznûre, Şubeyê TEMî yê Mudurîyê Emnîyetî yê Qoserî de îfade da. Cipersayîş de paekerdişê Oznûre serê hesabê Twîtterî yê derheqê Kongreya Partîye ya Mintiqaya Demokratîke (DBP) ke 27ê sibate de Eywana Kulturî yê Nazim Hîkmetî de ame organîzekerdiş û fotografê pîrozbayîyê Newroza 2022yî yê Erdîşê Wanî de sey bahane ame ramojnayîş. Oznûre, seba parekerdişê xo yê kongreye bi îdiayê “pesnê rêxistine da ya û paştdayîş da ya” û seba parekerdişê Newroze zî bi îdiayê “alaya rêxistine” ameye tawanbarkerdiş. Sewbîna parekerdişê fotografê Arîn Mîrkan zî sey suc ame mojnayîş. 

 

Oznûre, TEM de pêwa avûkatê xo îfade da û serê hesabê xo yê medyaya dîjîtale de vat ke parekerdişê aye suc nîyê û kewenê mîyanê azadîya fikr û fehmî.