ANQARA - Vervatoxa HDPyî Ebru Gunay Merkezê Pêroyî yê Partîya xo de babetê muhîmî yê rojeve de yê ercna. Ebruye bale ant serê tehdîdê Vakur û Rojhelatê Sûrîye û vat: "Çareserî problemê kurdî serê na herre de yo."

Vervatoxa HDPyî Ebru Gunay Merkezê Pêroyî yê partîya xo de kombîyayîşê çapemenîye kerd. Ebruye derheqê rojdemî de qisey kerd.

 

‘Rojawan seba şaran model o’ 

 

Bi domdarî Ebru bale ant serê 10in serrgêra Şorişê Rojawanî û wina vat:''Vera polîtîkayanê tekperest û înkarî yê emperyalîstan şaranê Rojawanî şoriş kerdbi. No Şorişê Rojawanî verê çareserkerdişê pêro meseleyanê Rojhelatê Mîyanênî de sey aternatîf vejîya werte. Ma do şorişê şaran, cinîyan û komanê bawerîyan fîraz kenê."

 

‘Yê ke dişminê cuya hempar kerdêne hêriş kerdî'

 

Ebruye dewam de wina vat: "Modelê Îdareyê Xoserî yê Rojawanî netîceya bedelanê giranan de awan bi û Îdareyo Xoser ewro raştê hêrişanê giranan yeno. Çinkerdişê DAÎŞî ra dima dişmenanê raştikênan dest pê hêrişanê vera Rojawanî kerd."

 

'Ma do têkoşînê xo dewam bikerê'

 

Ebruye vat ke do têkoşînê xo yê edaletî tim dewam bikerê û wina vat: "Qirkerdişê Pirsûsî seba ke ê ciwanan paştî dayêne Kobanê ame kerdene. A roje ra heta nika Tirkîya de şerê vera merdimîye yenê kerdene. Rixmo ke qirkerdişî hende serrî xo pey de verdayî hema zî kiştoxî yenê pawitene. Ma do têkoşînê xo yê edaletî rê dewam bikerê û qetî hesabê nê qirkerdişî bipersê."

 

'Çareserî na cografya de ya'

 

Ebruye da zanayîş ke hêriş bi serran o dewam keno û vat: "Şorişê Rojawanî ewro binê gefê hêrişan ê Tirkîya de yo. Nê hêrişî bi serran o dewam kenê û benê sebebê merg, koçberîye û rijnayîşî. Erdogan wextê peyênî de seba hêrişanê neweyan NATO, Amerîka û Rusya de karanê dîplomatîkan keno û xîret keno ke destûrê hêrişan bigêro. Çareserîya meseleya kurdan ê cayan de nê na cografya de ya."

 

'Seba zorê şorişî berê hêriş kenê'

 

Ebruye tewr peyîn wina vat: "Ê seba çinkerdişê Şorişê Rojawanî hêrişan ra ber rayîrêkî nêvînenê. Hêrişê vera Rojawanî yenê manaya çinkerdişê destkewteyanê kurdan. Rojawan de haştîye û cuyêka têdûşte serdest a. Cergê DAÎŞî bi rehetî Tirkîya ra derbazê herêmanê Rojawanî benê û binê serwerîya Tirkîya de xo nimnenê. Ma reyna vanê ke nê şerî de dişmenê kurdan, qesr û cergî nê şarê kurdî do ser bikewo. Eke Tirkîya hêrişê Rojawanî bikera krîzê pîlî do biqewimîyê û cergê DAÎŞî xurt bibê."