Rozerin Gultekin

 

STENBOL - Wendekara MSGSUyî xeyalê Hatîce Ezgî Saadete ke qirkerdişê Pirsûsî de dinyaya xo bedilnaye, danê ciwîyayîş. Wendekaran da zanayîş ke xeyalê Hatîce bi ca anê.

 

20ê Temmuze 2015ine de Pirsûsê Rihayî de 33 ciwanê şorişgêrî waştî ke baxçeyê Merkezê Kulturî yê Amarayî de hetkarîya tutan û şarê  Kobanî bikerê labelê bi hêrişê DAÎŞî dir ameyî qetilkerdiş. Ê ciwanê ke ameyî qetilkerdişî ra yewe zî wendekara Unîversîteya Hunerê Weşikî ê Mimar Sinanî (MSGSU) Hatce Ezgî Saadete bî. 

 

Fikrê aye unîversîte de vila bî

 

Embazê Hatice bi 7 serrî yo falîyetê cîya kenê û hewl danê ke fikrê aye, xeyalanê aye unîversîte de vila bikerê. Wendekara MSGSUyî Yasemin Aladage derheqê Hatîce de ana ziwan ke ê sey ciwanan bi ruhê 33 kesan sere wedarnenê.

 

'Bi zaneyîş hetê dewlete ra ameyî qetilkerdiş'

 

Yasemîne dîyar kerd ke 33 ciwanê şorişgêrî bi hemkarîya DAÎŞ û AKPyî ameyî qetilkerdiş û wina vat: "Nê kesî hetê dewlete ra bi zanayîş ameyî qetilkerdiş. Kobanî o cayo ke hem cinî, hem ciwanê ke yenê pelçiqnayîş, uca de pîya bicîwîyê.  Kobanî bi têkoşîn ame bidestkerdiş."

 

Vîrardişê Hatice kampus de yeno ciwîyayîş

 

Yasemîne derheqê Hatîce de wina qal kerd: "Dimayê qetilkerdişê aye, embazê aye yê sinife rojbîyayîşê aye pîroz kerdî. Reya ewil mi aye wina nas kerd. Yeno vatiş ke aye wayîrê şexsîyetêke kêfweş û bi kelecan bîye. Hatîce seba ke bibo şahidê Şorişê Rojawanî şî. Cinî Kobanî, Stenbol, Amed de her cayê dinya de xo ver danê. Hatîce seba înan tena nêverdo, xo ver da.  Videoyêkê Hatîce yê demê şîne Pirsûsî vatêne aye wayîrê şorişî vejêna. Hatîce ewro temsîlkarêke pîlî yê Unîversîteya Mîmar Sînanî ya. Ma hewl danê ke vîrardişê Hatîce kampus û kuçeyan de bidê ciwîyayîş. Ma rojbîyayîşê Hatîce de û serrgêra qirkerdişê Pirsûsî de vengê Hatîce berz bikerê. Îqtîdar her çiqas biwazo vengê kesê ke sere wedarnenê pak bikero zî ma do vîrardişê Hatîce Ezgî û têkoşînê aye bidê ciwîyayîş."

 

'Ma sey ciwanî bi ruhê 33 kesî sere wedarnenê'

 

Yasemîne dîyar kerd ke xeylêk kesî dimayê Hatîce ameyî qetilkerdiş û wina vat: "Hatîce her wext vatêne, ganî hemverê şerî aştî bêro pawitiş. Ma zî têkoşînê Hatîce dewam kenê. Pêro qirkerdişî pîya girêdayeyê. Coka ma hemverê tedayan kampus û kuçeyan de xo ver bdiê."

 

'Nê polîtîkayê şerî yê dewlete yê'

 

Yasemîne wina qal kerd: "2015î ra yo cayê cîya de şitilan ramnenê. Wexto ke ma ewnîyenê bêhuqûqîyêk pîl est o. Eke kesê ke qirkerdiş kerdê, bi ameyîne tepiştiş do hende qirkerdişî nêbîne. Pêwa no 7 serrî yo serê qirkerdişî ra derbaz bîyo zî tena Yakup Şahin yeno muhakemekerdiş. Eke versucê Qirkerdişê Pirsûsî biameyîne tepiştiş, do Qirkerdişê 10ê Teşrîna Verêne nêbîne. Cezaya zîndanî danê birîndaranê Pirsûsî. Dewa keyeyê ke tutê înan Pirsûs de ameyî qetilkerdiş înan rê akenê. Nê polîtîkayê şerî yê dewlete yê."

 

Do 20ê Temmuze de verê Operaya Sureyya de bê

 

Yasemîne seba çalakîya derheqê serrgêra qirkerdişê 20ê Temmuze de vengdayîş kerd û vat: "Ma vanê seba Pirsûsî û seba her kesî edalet û ma têkoşînê xo pîl kenê. Waştişê  edaletî ya seba Pirsûsî, waştişê  edaletî ya seba Pinar Gultekine ya seba 10ê Teşrîna Verêne yo. Ma do  7in serrgêra Qirkerdişê Pirsûsî de verê Operaya Sureyya de bê. Ma venga pêro ciwanan kenê ke bêrê."