STENBOL - Turnuvayê futbolî de seba rojnamegeranê tepişteyan pankart ame akerdiş.

 

Turnuvayê Futbolî yê Meclîsê Ciwanan ê Partîya Demokratîke ya Şaran (HDP) û Kordînasyonê Cinîyan ê Ciwanan seba vîrardişê Kemal Kûrkûto ke Newroza Amedî ya 2017ine de amebi qetilkerdiş, bi sloganê, “Ti zî hemverê tîryakî golêke bierze" dewam keno. 12 ci ra cinî, bi pêroyî 152 tîmî çarçewaya turnuvayî de vejênê sehne. Beşê ewilî yê turnuvayî de vizêr Stenbol de dest pêkerd. 

 

Pankart akerdî

 

Çarçewaya turnuvayî de vizêrî sehayêke Eyûpsûltanî mabêne tîmê Çapamenîya Cinîyan ê Azadan û Tevgerê Cinîyan ê Azadan (TJA) de maç ame kaykerdiş. Cinîyê kedkarî yê çapamenîye bi pankartê rojnamegerê ke fotografê înan ser de bi û bi nuşteyê “Çapamenîya azade nîna bêvengkerdiş” bale antî serê rewşa embazanê xo yê ke ameyê tepiştiş. Eynî wextî de taqîbkerdoxê turnuvayî zî bi sloganan paştdayîş dayî tîman.   

 

Maç de tîmê Çapemenîya Azade bi ser kewt û vejîya tûrê corine.