RIHA - Çalakîya Nobeda Edaletî ya Emîne û Ferît Şenyaşarî roja 496ine de dewam kena.

 

Merdim û pawitoxê parlamenterê AKPyî Îbrahîm Halîl Yildizî 14ê hezîrana serra 2018ine de Pirsûsê Rihayî de hêrişê dikanê keyeyê Şenyaşarî kerd. Netîceyê hêrişî de mêrde û 2 lajê dayîka Emîne Şenyaşare ameyî qetilkerdiş. Seba ke kiştoxî bêrê muhakemekerdiş û tepiştiş, Emîne Şenyaşar û lajê ci Ferît Şenyaşar ke qirkerdiş ra bi birîndarî xelas bîbî, 9ê adara serra 2021ê de vernîya Edliyeyê Rihayî dest bi Nobeta Edaletî kerdibî. Çalakîya keyeyî roja 496ine de zî dewam kena. Ewro peynîya hewteyî ra berê edlîye padeye yo coka keyeyî çalakîya xo keye de dewam kerd.

 

Derheqê babete de keyeyî serê hesabê xo yê medyaya dîjîtale  de venga Wezîrê Edaletî Bekir Bozdagî kerd û nê mesajî pare kerd: "Sere de Wezaretê Edaletî, heme kesî qirkerdişê ke ameyo kerdiş ra hayîdar ê. Heta ke edalet bi ca bêro ma do têkoşînê xo dewam bikerê! Fadil Şenyaşar bi 4 serrî yo hucreyê yewkesî de bi hêvîya caardişê edaletî yo."