AMED - Goreyê hîn îdiayê ke yenê vatiş, Bismil de wesayîtêkê wayîrê plakayê fermî dayo tuto ke nameyê ci Muhammed Çelik o û Muhammedî dinyaya xo bedilnayo.

 

Kuçeyê Akpinarî yê qezaya Bismilî yê Amedî de wesayîtêkê bi hawayêke lezabez ramitêne, gina tuto  bi nameyê Muhammed Çelikî ro û Muhammed bi giranî birîndar bi. Muhammedî wedarnayî nêweşxane la nêweşxane de dinyaya xo bedilnaye.

 

Muhammedo ke seba serdayîşê roşanî şibi Bismil, demo ke Bûlwarê Azadîye ra şino awe bigîro, wesayîtêk dana piro û remena. Goreyê vatişê şahidan, wesayît aîdî Qaymeqamtîya qezaye yo.

 

Dimayê karê otopsîyî Muhammed goristanê Kuçeyê Kooperatîfî de ame definkerdiş.