MERKEZÊ XEBERAN - Bajarê Barcelonayî yê Spanyayî de  Konferansê Enternasyonalîstan ê  Katalanî yê 1in yeno organîzekerdiş. Konferans bi nameyê "Pawitişê Şorişê Kurdistanî û Konfederalîzmê Demokratîkî" ewro dest pêkeno.

 

Mintiqaya Xoser a Katalanî ya Spanyayî do wayîrîyê çalakîyêka muhîm rê bikero. Konferans do hîrê rojî dewam bikero. Konferansê Enternasyonalîstan ê Katalanî yê 1in ewro şan de dest pêbikero û welatê cîyayan ra xeylêk enternasyonalîstî do tewr bibê. Amancê esasî yê konferansî oyo ke mabêne welatê Katalan û Kurdistanî de pirdêke awan bikero.

 

Konferans, serrgêra 86ine yê Şorişê Spanyayî ke 19ê Temmuze 1936ine de dest pêkerd û serrgêra 10in ê Şorişê Rojawanî ke 19ê Temmuze 2012ine de dest pêkerd de yeno organîzekerdiş. Konferans bi sernameyê "Pawitişê Şorişê Kurdistanî û Konfederalîzmê Demokratîkî" do heta roja Yewşeme dewam bikero.

 

Tecrûbeyê Rojawanî yê 10 serran bêro munaqeşekerdiş

 

Metnê ke seba konferansî amebi hadrekerdiş de wina ame vatiş: "Şorişê Rojawanî ke bi rayberîya Hereketê Azadîye yê Kurdî de bi ca ame, seba şorişgêrê dinya bi referansêk."

 

Dewamê metnî de wina ame neqlkerdiş: "Nê demê ercaye ke bi gonîya şehîdan û ereqê xeylêk merdiman de ame awankerdiş, dinya de xeylêk merdiman dir kar ame kerdiş, têkilî ameyî ronayîş û xurtkerdiş. Konferans de hemverê hemkarîya şîrket û sazgehê dewletanê rojawanî yê ke sucê şerî yê Kurdistanî de do karê seba pîlkerdişê têkoşînê hempar bêrê ercnayîş.

 

Nika dimayê şorişê 10 serran, dimayê 7 serran hereketê cinî yê destpêk de komê paştdayîşî ameyî  awankerdiş. Ma a bawerî de yê ke no wext zaf wextêko baş o. Tewr tay di rojan ganî ma mabêne bidê nê tempoyê zêde; seba bieşkê rewşa ma ci de yê analîz bikerê, zor û zehmetîyê bîyaye û yê demo ke bêro biercnê û karê ke ma eşkenê bikerê, cigêrayîş bikerê."

 

Pawitişê Kurdistanî

 

Konferans, do ewro saete 18:00 de bi beşêk serê ercnayîşê modelê cinîyan Şorişê Rojawanî dest pêbikero. Bernameyê roja Şemeyî de zî do bi giranî karê seba pawitişê Kurdistanî bêro ercnayîş. Roja yewşeme zî derheqê hetê karê îdeolojîkî yê têkoşînê şorişgêrî bêro pêşkêş kerdiş. Bi rayîrê nê mailî conferenciacd@riseup.net agahîyê hîra yê derheqê konferansî de eşkenê bêrê girewtiş.