Derya Ren

 

AMED - Merdimê vîndîbîyayeyan bi sloganê 'vîndîbîyayeyî dîyar ê kiştoxî ça yê' çalakîya hewteya 700î kerdî.  Endama Komîsyonê Vindîbîyayeyan ê ÎHDyî yê Amedî avûkate  Derya Yildirim  da zanayîş ke pêwa merdimê vindîbîyayeyan ca girewtî, babetêka wijdanî ya komelî ya.

 

Merdimê kesê ke serra 90î de ameyî vînîkerdiş, hema zî aqûbetê merdimanê xo gêrenê. Xoverdayîşê 27ê Gulane de bi rayberîya Dayîkê Şemeyî ame destpêkerdiş,  Amed û Êlih dezî bi rayberîya merdimê vindîbîyayeyan ame destpêkerdiş. Çalakiya Merdimê vindîbîyayeyan bi rayberîya ÎHDyê Amedî ameye destpêkerdiş hewteyê 700î de dewam kena, yê Êlihî zî  do bikewo hewteyê 537ine. Her çiqas çalakîya no hewteyî bikewo  roşan zî keyeyan serê ÎHDyê Amedî vengdayîşê tewrbîyayîşê paştdayîşê çalakîye kerdî.

 

Endama Komîsyonê Vîndîbîyayeyan ê ÎHDyê Amedî avûkate Derya Yildirim  derheqê hewteyî 700î de ercnayîş kerd.

 

‘Vîndîkerdiş cînayetê sîyasî yo'

 

Derya dîyar kerd ke pêwa heme tedayan merdimê vîndîbîyayeyan fek têkoşînê xo ra vera nêdanê û wina vat: "Pandemî de seba şert û mercan ma serê çapemenîya komelî de çalakîya xo dewam kerd.  Verê merdimê vindîbîyayeyan de ca girewtiş, babetêka wijdanî ya komelî ya. Seba nê zî demo ke tena merdimê vîndîbîyayeyan na çalakî bikerê, do wijdanî birîndar bibê. Seba ke nê vindîbîyayîşî seba nasnemeyê Kurdbîyayîşî û polîtîkbîyayîşî ameyî kerdiş. Coka ma eşkenê ke vajê, nê vindîkerdişî cînayetê sîyasî yê. Na babete heme kesî eleqedar kena."

 

‘Tedayî hema dewam kenê'

 

Derya vat ke sazgeh û kesê ke wayîrê merdimê vîndîbîyayeyan vejênê zî hedef yenê girewtiş û wina vat: "Kesê ke kîşte merdimê vîndîbîyayeyan de ca gênê,  ameyî cipersayîş. Nobetê ke ameyê destpêkerdiş de teda her tim bî û hema zî estê. Çalakîya Dayîkê Şemeyî ya Galatasarayî ameye astengkerdiş. Teda ameyî kerdiş. Serê keyeyan de teda yeno kerdiş. Hema zî nê tedayî dewam kenê."

 

'Do têkoşîn dewam bikero'

 

Derya dewam de wina qal kerd: "Çalakîya dayîkê şemeyî resaya hewteya 900î. Çalakîya Amedî kewte hewteya 700î. No zî mojneno ke tedayî hema dewam kenê. 5 serrî yo ez tewrê çalakîya înan bena. Bi serrêke û nîm o bi hawayêke aktîf netîceyê komîsyonî ya. Mi hîkayeyê vindîbîyayeyan dî. Seba ke gumanbarî bêrê vînayîş, do no têkoşîn heta peynî dewam bikero."

 

 'Ganî cezakerdiş bibo'

 

Derya tewr peyîn wina vat: "La na dewa bi muhakemekerdişêk rast nêame kerdiş. Seba reaksîyonê rayaporî kêm bikerê, hîn muhakemekerdiş ame kerdiş. Dewayê ameyî akerdiş kewtê verê demvîyarte û qerarê beratî ameyî dayîş. Cezayê ke ameyê dayîş, vatişê babete nîyê."