KONYA - Konya de minîbusa ke karkerê mewsîmî ci de bî, qelibîya. Netîce de 2 kesî dinyaya xo bedilnayî û 17 kesî zî birîndar bî.  

 

Nêzdîyê Taxa Buyukoba ya qezaya Ilginî ya Konyayî mînîbusa ke karkerê mewsîmî ci de bî, qelibîya. Serê xeberdarîya kesê ke cayê serebûtî ra derbaz bîne, xeylêk ambûlans û tîmê eskeran sewqê cayê serebûtî ameyî kerdiş. Tîmê weşîye ke ameyî cayê serebûtî, dimayê mudaxeleyê vernî, birîndaran wedarnayî nêweşxaneyê ke qezayê  Yûnak, İlgin û Akşehîrî de yê. 

 

2 karkerê ke wedarnabî nêweşxane, dinyaya xo bedilnayî. Dermankerdişê 17 karkeran zî dewam keno.