ANQARA - DFG û MKGPyî waştî ke seba meslegdaşanê xo yê Amedî ke amebî tepiştiş, eşkerayîye bidê. Polîsan hêrişê eşkerayîye kerd û 3 rojnamegerî destbend kerdî.

 

Komeleya Rojnamegeran ê Dîcle Firatî (DFG) û Platformê Rojnamegeranê Cinîyan ê Mezopotamyayî (MKGP) derheqê 16 rojnamegeranê kurdan yê ke Amed de amebî tepiştiş, waştî ke Meydanê Ûlûsî yê Anqarayî de eşkerayîye bidê çapemenî. Polîsan hêrişê eşkerayîye rojnamegeran kerd.

 

Polîsan hêrişî de muxabira Ajansê Mezopotamyayî (MA) yê Anqarayî Denîz Nazlim, rojnamegere Sîbel Yukler zî mîyan de hîrê rojnamegeran bi kuyayîş destbend kerdî.

 

Polîsan cayê eşkerayîye kerdo binê ablûqa. Rojnamegerî zî derbazê Temsîlkarîya DÎSKî ya Anqarayî bîyî. Yeno pawitiş ke rojnamegerî tîya de eşkerayî bidê.