MEXMÛR - Ewro saete 12:20ine de teyareyê bêmerdimî yê Dewleta Tirke hêrişê Wargeha Multecîyan ê Mexmûrî kerd. 

 

Dewleta Tirke ewro saete 12:20ine de bi teyareyê bêmerdimî hêrişê Wargehê Multecîyan ê Şehîd Rustem Cûdî (Mexmûrê) kerd. Keyeyêk hedef ameyo girewtiş. Goreyê xebera ke ameye girewtiş, tu zîyanê ganî çin o la zîyanê madî est o.

 

Yeno pawitiş ke Meclîsê Şarî yê Demokratîke yê Wargehê Mexmûrî serê babete de eşkerayî bido.

 

Heto bîn ra ewro heyetêkê eskerî yê paye berzî yê Iraqî serdayîşê qezaya Mexmûr kerd. Goreyê neqlkerdişê Iraqî, heyetî de fermandarê Pêroyî yê Artêşa Iraqî, Fermandarê Operasyonê Hembeş, Fermandarê Hêzê Hembeş û xeylêk fermandarê ke rûtbeyê cîya de yê serdayîşê qezaya Mexmûrî kerdê.