WAN - Dewa Karahîsarî yê girêdayeyê qezaya Serayê Wanî de, dolmîşêke multecîyan hetê cendirmeyan û qorîcîyan ra ameye gulevarankerdiş.

 

Dewa Karahîsarî yê girêdayeyê qezaya Serayê Wanî de serebûtêkê  xemgîn ame meydan. Cendirmeyan û qorîcîyan dolmîşêke multecîyê Afganî espar bîbî, gulevaran kerdî. Hêriş de tutêk 4 serreyo multecî ame kiştiş û tewr tay 13 multecî zî birîndar bî. Xeylêk ambûlansî sewqê cayê serebûtî ameyî kerdiş û birîndaran wedarnayî nêweşxaneyê bajarî.