RIHA - Nobeta Edaletî ya Emîne Şenyaşar û lajê ci Ferît Şenyaşar dabî destpêkerdiş, roja 481'ine de dewam kena. 

 

14'ê Hezîrana 2018'ine de Qezaya Pirsûsî ya Rihayî de merdim û pawitoxê Parlamenterê AKP'yî Îbrahim Halil Yildizî, mêrde û di lajê  Emîne ameyî qetilkerdiş. Lajê Emîne, Ferît Şenyaşar ke hêrişî ra bi birîndarî xelasîya 9'ê Adara 2021'î de verê edliyeyê Rihayî de dest bi Nobeta Edaletî kerd. Nobeta Edaletî roja 481'ine de dewam kena. Seba peynîya hewteyî keyeyî, keyeyê xo yê Pirsûsî de nobeta xo dewam kerd. Sewbîna keyeyî serê hesabê xo yê medyaya dîjîtale de mesaj pare kerd.

 

Keyeyî serê hesabê xo yê dîjîtale de  hesabê fermî yê Wezaretê Edaletî etîket kerd û wina vat: "4 serrî derbaz bi la hema dejê ma şenik nêbîyo. Dejê zerrî derbaz nêbeno. Seba no dej derbaz bibo, wa edalet bêro."