WAN - Cinîyan bale ante serê tecrîdê giranî yê serê Rayberê PKKyî Abdullah Ocalanî û eşkera kerdî ke çareserî bi têkoşîn û bi ameyîşê aştî mimkun o.

 

Rayberê PKKyî Abdullah Ocalan ke di zîndanê Tîpê Fyî yê Îmralîyî de tepişte yo hîrê serrî yo avûkatanê xo dir nêeşkeno pêvînayîş bikero û 15 mengî yo malûmat ci ra nîno girewtiş. Avûkatê Buroyê Huqûqî yê Asrînî bi amancê pêvînayîşê bi muwekîlê xo dir her hewte bikerê, muracat kenê la bi tewirêkê sîstematîk yeno manîkerdiş.  

 

Zîndanan de tecrîd dewam keno 

 

Polîtîkayê safînêkerdişî yê îqtîdarîyê AKP-MHPyî hetêke de, tecrîdo ke zîndanan de yeno kerdene zî hetêke de dewam keno. Tewr peynî di mezrayê  Sersulî ya dewa Xaşkanî ya Şaxî ya Wanî de, di 20ê Hezîrane de bi da-des eskerî, cinî û tutî derb kerdîbî û di 26ê Hezîrane de zî di Şîşemzînanê Colemêrgî de, di wextê hadrekarîyê operasyonan de dewijî ameyî derbkerdiş û destbendkerdiş . Cinîyan reaksîyon ramojna û eşkera kerdî ke azadî ancax bi têkoşîn mimkun a.

 

Cinîya bi nameyê Kevser Fîdan da zanayene ke Problemê Kurdî herinda ke bêro helkerdiş şer yeno ferzkerdiş û wina vat: "Ma wazenê aştî bêro ca û lej vindero. Aştî senîn beno bêro ca? Bêşik bi xebate. 22 serrî yo Abdullah Ocalan tepişte yo. Keye û avûkatî nêeşkenê pêvînayîş bikerê. Duştê nê de reaksîyonê ma çinî yê. Wina nêbeno. Ganî  tecrîd bêro wedaritiş. Seba wedaritişê tecrîdî ganî  ma reaksîyon ramojnê. Heq, huqûq û azadî bi têkoşîn mimkun o." 

 

'Wa tepişteyî bêrê veradayîş' 

 

Cinîya bi nameyê Muzzeyen Butun zî derheqê binpaykerdişan û tecrîdê ke zîndanan de yê venga Serekkomarî û Wezaretê Edlî kerd û wina beyanat  da: "Wa veng bidê dadîyan û cinîyan. Wa beranê zîndanan akerê û tepişteyê nêweşî vera bidê. Tepişteyî nînê dermankerdiş. Xeylêk tepişteyî pêwa cezayê înan qedîyayê zî nînê verdayîş ganî  Aştî bêro ca. Ma seyyewbînî û edalet wazenê."  

 

Muzeyyene bale ante serê îfadeyê Abdulkadîr Selvî yo ke derheqê Abdullah Ocalanî de vat, 'Beno pêvînayîş keyeyî dir bikero' û wina peynî ro ci ard: "Biwazê eşkenê pêvînayîş bikerê. O ke tecrîd ano ca AKP yo. Seba nê zî key biwazo eşkeno pêvînayîş bikero. Demo ke nêwazeno zî tecrîd dewam keno. Wereka keyeyî pêvînayîş bieşkayêne bikerdêne. Pabebîyayîşê ma no wo. Ma dest bidê yewbînan, do aştî bêro ca."  

 

Xebetnayîşê sîlehê kîmyewî 

 

Yildiz Seferoglû zî dîyar kerd ke dadîyî şer nêwazenê û wina derg kerd: Tirkîya û PDK di hêrîşan de sîlehê kîmyewî xebetnenê. Sîlehan serê tutanê ma de xebetnenê. Ça sîlehê kîmyewî qedexe bî? Êdî bes o! Ez veng ro Barzanî kena. Biratî na nîya. Ê ke tutanê ma kişenê dost nîyê, wayî û birayî nîyê. Ma tecrîdê serê Abdullah Ocalanî qebûl nêkenê. Sîyasetmedaranê ma gênê. Vanê terorîst ê. Tena Tirkan na herrî qezenc nêkerda. Her kes seba nê welatî têkoşîn kerdo.  Heqê ma zî seba cuyêka azade esto."