EDENE - Polîsan ewro serê sibayî eşt serê Merkezê Kulturî yê Binevşî yê Edeneyî û xeylêk keyeyê Edene, Mersîn, Amed û Mêrdînî. Ame zanayîş ke polîsan sereştişan de berê awanîyan şikinayê û welatijî bi şîdetî dir rî bi rî mendê. Keye û sazgehan de cigêrayş ame kerdiş. Heta nika 36 kesî ameyê destbendkerdiş.  

 

Polîsan saetê serê sibayî de Edene de eşt serê Komeleya Kulturî ya Binevşe û xeylêk keyeyan. Netîceyê sereştiaşn de Hemserekê HDPyî yê Edeneyî Helîn Kaya û Mehmet Karakiş zî mîyan de bi pêroyî 36 kesî ameyî destbendkerdiş.

 

Serdozgerîya Komare ya Edeneyî, çarçewaya cipersayîşê derheqê Komeleya Kultur û Hunerî yê Binevşe kerdibi de qerarê destbendkerdişê 38 kesan da. Polîsan ewro serê sibayî çarçewaya cipersayîşî de eşt serê Merkezê Kulturî yê Binevşe û xeylêk keyeyê Edene, Mêrsîn, Amed û Mêrdînî. Ame zanayîş ke polîsan demê sereştişan de berê awanîyan şikinayê û welatijî bi şîdetî dir rî bi rî mendê. Keye û sazgehan de cigêrayîş ameyê kerdiş. 

 

Netîceyê sereştişê keyeyan de Hemserekê Partîya Demokratîke ya Şaran (HDP) Helîn Kaya û Mehmet Karakiş, endamê PMyî yê HDPyî Abdurrahman Oral û Ahmet Yildiz, Vervatoxê Partîya Mintiqaya Demokratîke (DBP) yê Mintiqaya Çukurovayî Şîlan Turga û Enver Guler, Temsîlkara Serekê Şaredarîya Seyhanî Funda Buyruk û xebatkarê Merkezê Kulturî yê Binevşe Îlyas Arzu, Mûrat Gurbuz, Suat Ekîn û Jiyan Savci, Îdarekarê HDPyê Edeneyî Ahmet Akdogan, Endamê Meclîsê Ciwanan ê HDPyî Mazlum Gok, aktîvîstê Tevgerê Cinîyan ê Azadan (TJA) Sever Uzun û Emetûllah Akçaray, Hemsereka Komeleya Paştdayîşî û Paştdayîşê bi Keyeyê Merdimê Xo Vînî Kerdê yê Akdenîzî (AYKAY-DER) Suphiye Bayav û Jîyan Aslan, Mahsum Uzun, Zîlan Çîçek, Mehmet Sarûhan, Hayrettîn Oz, Mehmet Saît Dîkmen, Vakkas Durgut, Evîn Ozbay, Dîlan Yîğît, Gulbahar Akman, Yaşar Akman, Mehmet Solmaz, Bedrî Şengul, Zîlan Taş, Ayşe Solmaz, Mehmet Aykut, Ramazan Demîrhan, Serekê Komeleya Kultur û Hunerî yê Mezopotamyayî Abdullah Ayav û 2 kesê ke nameyê înan nêame zanayîş destbend kerdî.

 

Cigêrayîşê Komeleya Kultur û Hunerî yê Binevşe peynî bî û odaya Temsîlkara Serekê Şaredarîya Seyhanî Fûnda Buyruk ê şaredarî zî cigêrayîş ame kerdiş. Kesê ke ameyê destbendkerdiş nika Mudurîyê Emnîyetî yê Edeneyî de yenê destbendkerdiş. Nînan ra yewe zî qerarê destbendkerdişî ameyo dayîş la hema nêameya destbendkerdiş  aktîvîsta TJAyî Zana Çoban a. Eynî wextî de polîsan eşt serê  keyeyê Zana Çobane yê Mersînî.

 

Pêwa ke Zana Çoban keye de nêbî zî, polîsan çarçewaya destbendkerdişan de eşt serê keyeyê Nafîye Çobane. Demê sereştişî de nengî û heqaret ro Nafîye ame kerdiş û ameye derbkerdiş. Derheqê sereştişî de Nafîye Çoban wina vat: "Demê sereştişê keyeyê mi de mi înan ra vat, Zana keye de nîya. Labelê bi zor kewtî zere. Vernê de di polîsî kewtî zere. Dimayê ke dî Zana keye de nîya, venga polîsanê TEMî kerdî. Her ca de gêrayî û eşyayê ma şikinayî. Demo ke eşyayê mi şikinayî mi êdî krîz derbaz kerd. Mi waşt ke nêşikinê. Kamereya polîsan vetî û pêwa ke mi vat, ez nêweş a zî serê mi de ameyî. Polîsêk mi derb kerd û ez serê hişê xo ra şîya. Çend deqe dima ez ameya serê hişê xo. Ez o derheqê înan de gerre bikerî. Ez o muracatê ÎHDyî zî bikerî."

 

Eynî wextî pêwa ke adresê Zana Çoban uca de nêbi û qerarê cigêrayîşî çinbi zî, polîsan keyeyê bapîrê aye yê hîrê qatî de zî cigêrayîş kerd û her ca serûbin kerd. Ame zanayîş ke Zana Çoban hema zî nêameya destbendkerdiş.