AMED - Polîsan serê sibayî eşt serê awanîya Merkezê Kulturî yê Dîcle û eşt serê keyeyê xebatkaranê ci. Netîceyê sereştişî de xeylêk kesî ameyî destbendkerdene.

 

Cipersayîşê ke hetê Serdozgerîya Komare ya Edeneyî ra ame destpêkerdiş de derheqê 38 kesan de qerarê destbendkerdişî ame dayene. Na çarçewa de Amed û Edene de polîsan eşt serê xeylêk keyeyan. Eynî wextî zî eştî serê Merkezê Kulturî yê Binevşî yê Edene û Merkezê Kulturî yê Dîcleyî yê Amedî.

 

'Vêşîrî ke hayîdarî bidê kewtê zereyê awanîye' 

 

Goreyê hayîdarîyê ma cîranê awanîya Merkezê Kulturî yê Dîcle girewtê, polîsî vêşêrî ke şahidêk bîyarê kewtê zereyê awanîya merkezê kulturî  û cigêrayîş kerdê. Sewbîna cigêrayîşî ra vêşêr ke hayîdarîyî bidê verpersîyarê awanîyî ke ameyo kerdiş. Polîsan di netîceyê cigêrayîşî de dest dayê serê kompîtor û hardîskê kompîtoran. Ame eşkerakerdiş ke polîsan di eynî wextî de bi hûmarêke zêde kitabê awanîyî zî destser kerdê.  

 

Polîsan eynî wextî de eşt serê keyeyê xeylêk xebatkarê merkezê kulturî û sîyasetmedaran zî. Xebatkarê merkezê kulturê Amedî ra solîstê Koma Pelî; Ilyaz Arzû û Mehmet Sarûhan. Qezaya Qoserî ya Mêrdînî zî serekê Merkezê Kulturî yê Mezopotamyayî Abdullah Ayaz ame destbendkerdiş. Goreyê malûmatan hûmara destbendkerdişan  zêdeyêrî ya.