COLEMÊRG - Xeylêk wesayîtê zirxî û makîneyê karî sewqê mintiqaya Astenga Reşî ya Geverî ke  lejo xidar qewimyeno, ameyî kerdiş. Dekewtiş û vejîyayîşê dewê mintiqayî ameyî qedexekerdiş.

 

Dewanê Şîşemzîn, Xurekanê Seyîda û Xurekanê Temoyî ke serê qezaya Geverê Colemêrgî de kewenê mintiqaya  Astenga Reş, operasyonê eskerî dewam keno. Ame neqlkerdiş ke sewqiyatêk giran ê eskerî seba mintiqa ameyo kerdiş û lejo xidar qewimîyeno.

 

Eskerê ke ewro daxilê operasyonî ameyî kerdiş, dewijan rê neql kerdî ke do hîrê rojan dekewtiş û vejîyayîşê dewan qedexe bo. Serê siba zî xeylêk wesayîtê zirxî û makîneyê karî sewqê mintiqa ameyî kerdiş.

 

13 kesê ke vizêr operasyon de amebî destbendkerdiş,  11 înan ra dimayê îfade dayî Fermandarîya Eskerî  ya Geverî ameyî veradayîş. Demhat û Behçet Enguder yê birayê yewbînan hema zî Fermandarîya Eskerî yê Qeza de yenê tepiştiş. Ame neqlkerdiş ke eskeran 11 welatijê ke vizêr şan de ameyê veradayîş û hîn welatijê bînî no siba reyna berdê mintiqaya operasyonî.  

 

Heto bîn ra ame dîyarkerdiş ke seba şiwanê dewijan ameyo destbendkerdiş, 5 hezar pes vînî bîyo. Dewijî hewl danê ke pesê xo bigêrê la eskerî destûr nêdanê.