MERKEZÊ XEBERAN - Hûmara kesê ke erdlerz de Afganistanî de dinyaya xo bedilnayê resayê 920 kesan û tewr tay 600 kesî birîndar bîyê.

 

Eyaletê Paktîka yê Afganistanî bi girdîyê 6.1 şewa vîyarte de saete 01.24’an de erdlerz ame meydan. Temsîlkarê Wezîrê Afatî Sharafuddin Muslîm diyar kerd ke netîceyê erdlerzî de tewr tay 920 kesan dinyaya xo bedilnayî û 600 kesî zî birîndar bîyî.

 

Erdlerz nêzdîyê 44 km dûrê bajarê Hostî yê başûrrojhelatî de virazyayo. Tîmê xelisnayîşî xebatê xo dewam kenê. Bi helîkopteran birîndaran wedarnenê nêweşxaneyê tewr nêzdî. Yeno pawitiş ke hûmara kesê dinyaya xo bedilnayê zêde bibo.