AMED - Amed de heqê rayîrî reyna ame vaykerdiş. Dimayê vaybîyayîşê benzînî, dolmîşan ê xetan de zî vayîya wendekaran bî 3 lîra 50 quriş, vayîya tam zî bî 6 lîra 50 quriş.  

 

Dimayê ke zamê pêser serê benzînî de ameyî kerdiş, Amed de zî şîyîş û ameyîş de zam ame kerdiş. Goreyê qerarê Serekîya Daîreyê Resnayîşî yê Şaredarîya Bajarê Girdî ya Amedî (UKOME) girewt, zamê peynî di otobosê şaredarî de vayîya billêtê tam bi 5 lîra, yê viste zî 4 lîra, yê wendekaran zî sey 3 lîra ame dîyarkerdiş. Dolmîşê xete de zî vayîya wendekaran bî 3 lîra û 50 quriş, vayîya tam zî bî 6 lîre û 50 quriş. 

 

Vayîya texsiyan zî seba serê kîlometreyî 6 lîra ra vejîya 9 lîra. Vayîya esparbîyayîş û peyabîyayîşî zî 15 lîrayan ra vejîya 23 lîrayan.