Melîke Aydin 

 

ÎZMÎR  - Welatijê Îzmîrî reaksîyon ramojnayî tepiştişê rojnamegeran û eşkera kerdî ke ganî kes duştê na bêvengîye de nêmano û vatî rojnamegerî ganî her cayî de wayîrê heqê ke meslegê xo bi azad bîyara ca bo. 

 

Çarçewayê cipersayîşo ke hetê Serdozgerîya Komare ya Amedî ra amîbî destpêkerdişî de polîsan 8ê Hezîrane de 20 ci ra rojnamegerî 22 tenî destbendkerdî û 8 rojî nezaret de mendî. 15ê Hezîrane de vetî dadgehe û 16 rojnamegerî bi îdîayê endamîya rêxistine û propagandayê rêxistine kerdê, ameyî tepiştiş. Rojnamegerî; Serdar Altan, Mehmet Alî Ertaş, Safîye Alagaş, Azîz Orûç, Omer Çelîk, Suat Doguhan, Ramazan Gecîken, Neşe Toprak, Zeynel Abîdîn Bûlût, Mazlûm Dogan Guler, Mehmet Şahîn, Elîf Ungur, Îbrahîm Koyûncû, Remzîye Temel, Abdûrrahman Oncu û Lezgîn Akdenîz bi îdîayê ‘Endamîya rêxistine’ ameyî tepiştiş. Rojnamegerî; Esmer Tûnç, Mehmet Yalçin, Kadîr Bayram û Feynaz Koçûk û Îhsan Ergulen jî bi şertê kontrolê edlî ameyî veradayîş.  

 

Reaksîyonî duştê tepiştişê rojnamegeran de domnenê. Welatijê Îzmîrî derheqê babete de ajansê ma rê qisey kerdî û eşkera kerdî ke ganî lezkî bêrê veradayîş. 

 

'Veng nêro vejîyayîş do tehdayî zêde bibê' 

 

Wendekare Ahîn Torîn: 16 rojnamegerî ameyê tepiştiş. Verîyê ci zî konsertê Kurdkî ameyî qedexekerdiş. Ma veng nêvejê do vengê ma bibirnê. Ganî seba rojnamegeran ê Kurdî çîyêke bêro kerdiş. Yan zî do zilm û îşkence bidomo. Umîdê ma no yo ke Kurdî bêrê verê yewbînan û heqê xo bigîrê. 

 

'Bîyayîşê dîyayîşê cîyayî do demokrasî bîyaro ca' 

 

Yagmûr Yûrtaş: Welatê ma de azadîya fikr û fehmê çinî ya. Ma tena serê çapemenîya komele de rojeve teqîb kenê. Sîstemêko resnayîşê çapemenîye yê yew hetî esto. Ma duştê tepiştişan de matmende nîyê. Umîddara ke wextê azadîya fikr û fehmî bêrê ca. Emro qij de, la wextê tûtîyîyî de azadîya fikr û fehmî bîbî. Eke fikrî bêrê parekerdiş do têkilîyî bibo. Çiqas fikrê cîyayî bibê do demokrasî bibo. 

 

'Duştê Kurdan de nêseyyewbînî esta' 

 

Wendekare Sevcan Kubay: Karê rojnamegeran cigêrayîş o. Çiqas vajê rojnamegerî aver kewta zî çiqas vajê nêseyyewbînî çinî ya zî, mabênê Kurdan û Tirkan de nêseyyewbînîyêke esta. Na rewşe do key sererast bibo ma nêzanê. Derheqê Kurdan de binpaykerdişê heqan zêde benê. 

 

'Çapemenî bêveng bo do kes nêeşko nê malûmatan bigîro' 

 

Karmende Canan Ertok: Mi xo vînayo nêvînayo azadîya çapemenîye çinî ya. Bi tu tewirêke nêeşkenê vengê rojnamegeran bibirnê. Ganî qedexeyê çapemenî çinîbo. Çapemenî vengê şarî ya. Dewlete duştê çapemenî û rojnamegeran de neyarîyî kena. Ma Ûgûr Mûmcû de zî nê ciwîyayî. Amancê înan bêvengkerdiş o. Wazenê çapemenî bêveng bikerê û şar xo nêresno malûmatê rastî û heqîqetî. Şar do her çîyî baş bizano. Vatêne Rojawan de teror esto ma nêşînê. Ma hetêke welatî de yê, ê hetêke welatî de yê. Ganî azadîya çapemenîye bibo. Tu kes nêeşkeno eleqeyê azadîya kesî bikero. 

 

'Seba objektîfî rastê hêrişan amî' 

 

Wendekara unîversîte Zahîde Kaplan: "Demêko derg o Tirkîya de azadîya çapemenîye çinî ya. Tena hemverê çapemenîye de ney, hemverê heme merdiman de hêrişî estê. Kes nêeşkeno fikrê xo azad vajo. Çapemenîye hetkerdoxî bi hetkarî hereket kenê. Ganî hetkarîya seba çapemenîya bêhetkare bêro kerdiş.