MERKEZÊ XEBERAN - Cinîyê ke Komeleya Heqanê Merdiman de ameyî pêser înan seba paştî bidê cinîyan ê tepişteyan ê Tirkîya aktîvîteyêke kerde.

 

Şaristanê Marsîlya yê Fransa de endamanê Kolektîfê Paştdayîşê bi Kurdîstanî û Meclîsê Cinîyan ê Arîne Mîrkan Komeleya Heqanê Merdiman de seba sîyasetmedar, hunermend û rojnamegeranê cinîyanê ke zîndananê Tirkîya de tepişte yê, aktîvîteyêke kerde.

 

Cinîyan Gultane Kişanak, Sebahate Tuncele û hunermende Nûdeme Durak zî tede xeylêk cinîyan ê tepişteyan rê mektubî nuştî.