STENBOL - Dadgerîya Înfazî ya Bûrsayî, muracatê seba pêvînayîşê bi Abdullah Ocalanî dir ke 3 mengî bi amebi qedexekerdiş na rey zî bi bahaneyê "Cezaya disîplînî dewam kena" red kerd.

 

Rayberê PKKyî Abdullah Ocalanî 23 serrî yo Zîndanê Îmraliyî yê Tîpê Fyî de şertê giran yê tecrîdkerde de yeno tepiştiş. Avûkatanê Buroyê Huqûqî yê Seserre seba miwekîlê xo Ocalan û Omer Hayrî Konar, Hamîlî Yildirim û Veysî Aktaşî 3ê sibatê de hemverê cezaya bi îdiaya dîsiplînî ke qedexeyê pêvînayîşî amebi kerdiş, îtiraz kerdibî. Dimayê ke qedexeyê pêvînayîşî  qediya bi, muracat amebi kerdiş. Avûkatan muracatê Dadgerîya Înfazî ya Bursa kerdibî û waştibî heme astengîyê vernîya pêvînayîşê keyeyî bêrê wedaritiş û eke cezayê dîsiplînî yê neweyî bibê, bêrê neqlkerdiş.

 

Dadgerî, muracatê avûkatan red kerd. Dadgerî di qerarê redkerdişê muracatî de bahaneyê, “cezaya dîsiplînî hema zî dewam kena” mojna. Avûkatan serê nê qerarê redkerdişî de 15ê hezîrane de muracatê Dadgeha Cezaya Giran ya Bursayî ya 1ien kerd û îtirazê qerarê redkerdişî kerdî. 

 

Tewr peyîn Mehmet Ocalan bi kekê xo Ocalanî dir 25ê Adara 2021 de bi rayîrê telefonî pêvînayîşêk kerdibi û qiseykerdişê înan nîme de amebi birnayîş. A roje ra tu xebere Ocalanî ra nîna girewtiş.