Oznûr Deger 

 

ANQARA  - Aktivîsta EŞÎKî Berrîn Sonmez derheqê dewayê betalkerdişê feshkerdişê Peymana Stenbolî ke Daniştayî de yena vînayîş de qisey kerd û vat: "Qerar çi beno wa bibo do têkoşînê seyyewbînîyî yê cinîyan bidomo. Têkoşînê seyyewbînîyî yê cinîyan cigêrayîşê edaletî yo tewr verhîra û qedîm o, kes nêeşkeno vernîyê ci bigîro." 

 

Bi qerarnameyê Serekkomar Tayyip Erdoganî di 20ê Adare ya 2021î de Peymana Stenbolî ameye feshkerdiş û derheqê betalkerdişê feshkerdişê peymana de 10in Daîreyê Daniştayî de dewa amîbî akerdiş û dawaya hîrêyîne di 14ê Hezîrane de amî vînayîş.  Roniştena çarin zî do 23yê Hezîrane de bêro vînayîş. 

 

Aktivîsta Platformê Cinîyan ê Seba Seyyewbînîyî (EŞÎK) Berrîn Sonmez roniştişê dewayê betalkerdişê feshkerdişê yê Peymana Stenbolî erjna. 

 

'Muxalîfbîyayîşê huqûqî bi verhîrayêr ameyî beyanatkerdiş' 

 

Berrîne dîyar kerd ke Daniştayî de roniştişo hîrêyîn ameyo ca û tevrê 10in Daîreyê Daniştayî bi rêzdar bîyo. Berrîne qal kerd ke na rewşe di hetê 'Eke heyet hemverê kesê ke dewa akerdê de goreyê qeydeyê munasîbî bo, do dewaya ma nêro qebûlkerdiş' nîyadîyayîş vejîyayo werte û vat nê ra kewtê qaxûyan. Berrîne nê çîyî ardî ziwan: "Welat de berzbîyayîşê huqûqî nêmendo. Qerarê betalkerdişê feshkerdişê Peymana Stenbolî do bimojno ke huqûq di serê her çîyî de yo. Ma nê Daniştayî ra pawenê. Pawitişê ke ameyê kerdiş zaf weşî bîyî. Pêwa vatişê derheqê muhîmîya Peymana Stenbolî de, ame eşkerakerdiş ke qerarê feshkerdişî duştê destûrê asasî, huqûqî û otorîterî de yo." 

 

'Di pawitişê serê nameyê serekkomarî de cinîyî qij ameyêne fînayîş' 

 

Berrîne beyanat kerd ke di heme pawitişê Daniştayî de ke ameyê kerdişî de qerarê serekkomarî ameyo muhakemekerdiş, no di hetê demokrasîyê welatî de xeylêk muhîm bîyo û wina dergî da qiseyanê xo: "Ma pawenê ke qerarêko pozîtîf bêro dayîş. Di heme pawitişê serê nameyê serekkomarî de ameyê kerdiş de zî rêxistinê cinîyan, cinîyî û merdimê ke dewaya betalkerdişê feshkerdişî akerdê ameyî qijvistiş û pawitişêke bêîtîbarkerdişê cinîyan ame kerdiş. Di roniştena 14ê Hezîrane de bale ante serê nê. Coka di roniştena verîyê ci de serekê dadgehe bi tewirêke cidî ê îqaz kerdîbî." 

 

'Qerarê înan nêpawenê' 

 

Berrîne eşkera kerd ke Peymana Stenbolî peymanêka mîyanneteweyî ya, di pawitişê serê nameyê serekkomarî de ameyî kerdiş de ame vatiş 'Di nê qerarî de feydeyê îstîmlakî nîno waştiş' û nê çîyî ardî ziwan: "Serekkomarî qerarê xo bê behane bi yew rista eşkera kerdbî la dimayê nê malûmatê Wezaretê Resnayîşî de ame vatiş ke, no pêkerdiş duştê keyeyî û manîpulasyonî de yo. Vatbî 'Hemcînsî manîpule keno'. O bi xo manîpulasyonêke ra ameyêne ca." 

 

'Tu kesêke nêeşkeno vernî ro têkoşînê cinî bigîro' 

 

Berrîne peynîyê qiseyanê xo de qerarê hem bi umîdî û hem zî bi qaxûyî pawenê û wina peynî ro ci ard: "Qerar çi beno wa bibo do têkoşînê ma bidomo. Ma Peymana Stenbolî bi têkoşîn dest fîna. Ma nika bi têkoşîn wazenê newe ra qezenc bikerê. Têkoşînê seyyewbînîyî yê cinîyan, cigêrayîşê edaletî yo tewr verhîra û qedîm o. Kes nêeşkeno vernî ro ci bigîro."