MERKEZÊ XEBERAN - Netîceyê hêrişê teyareyê bêmerdimî û bi çekê dewleta Tirkî ya hemverê bînaya Meclîsê Şarî yê Sinûnî de, dukanêkê qirtasîye de pî û lajê ci yê 12 serre dinyaya xo bedilnayî.

 

Saetê vernîya nîmrojî de teyareyê bêmerdimî û bi çekê Artêşa Tirkî bînaya Meclîsê Şarî yê Sinûnî û dukanê mintiqaya Şengalî bombavaran kerdî. Goreyê xebera ROJNEWSî, astengiyê artêşa Iraqî ra heta nika hûmara birîndar û vîndîbîyayeyan bi zelalî nêameya zanayîş. 

 

Goreyê zanayîşan netîceyê hêrişan de dukanêkê qirtasiye zî hedef ameyo girewtiş. Pî Xidir Şivan Naso û lajê ci Salih Xidir Naso dinyaya xo bedilnayê.

 

Heto bîn ra ame diyar kerdiş ke seba artêşa Iraqî destûr nêdana şar cigêrayîş bikero û ne zî destûr dana adir bitefênê, hûmara vîndîbîyayeyan nîna zanayîş.