AMED - Rojnamegere Safîye Alagaş û Azîz Oruç ke dozgerî de îfadeyê înan ame girewtiş, bi waştişê tepiştişî sewqê Dadgerîya Sulh Cezayî ameyî kerdiş.

 

8ê Hezîrane de çarçewaya cipersayîşê Serdozgerîya Komare ya Amedî de Hemserekê Komeleya Rojnamegeran ê Dîcle Firatî (DFG) Serdar Altan, Mudûra JINNEWSî Safiye Alagaş, edîtora JINNEWSî Gulşen Koçûk, edîtorê Ajansê Mezopotamyayî (MA) Azîz Orûç, Mudûrê Karê Nuşteyî yê Rojnameyê Xwebûn Mehmet Alî Ertaş û rojnameger Omer Çelîk, Zeynel Abîdîn Bûlût, Lezgîn Akdenîz, Mehmet Şahîn, Suat Dogûhan, Ramazan Gecîken, Esmer Tûnç, Neşe Toprak, Mazlûm Dogan Guler, Elîf Ungur, Îbrahîm Koyuncû, Remziye Temel, Mehmet Yalçin, Abdurrahman Oncu, Kadîr Bayram û sewbîna welatijê bi nameyê Îhsan Ergulen û Feynaz Koçûk amebî destbendkerdiş. Dimayê 7 rojan kar û barê îfadeyê rojnamegeran ê mudûrîyê polîsan peynî bi û ewro sewqê edlîye ameyî kerdiş.

 

Rojnamegerê ke dosyaya înan ameya sînordarkerdiş û seba îfadeyî ardî edlîye, Safiye Alagaş û Azîz Oruç bi waştişê tepiştişî sewqê Dadgerîya Sulh Cezayî ameyî kerdiş.