MÊRDÎN - Derheqê Hemşaredara Qoserî Nilûfer Elîk û Hemşaredara Stewrî Gulistan Oncu de dewa amebî akerdiş. Roniştiş de dozgerî bi îdiayê “endamîya rêxistine” waşt ke hemşaredarî bêrê cezakerdiş. 

 

Roniştişê 9in ê dewaya derheqê Hemşaredara Qoserî ya Mêrdînî Nilûfer Elîk Yilmaz ke hetê Wezaretê Karê Zereyî yê Tirkîya ra wezîfe ra amebî girewtiş û dima ra amebî tepiştiş û Hemşaredara Stewrî Gulistan Oncu de amebî akerdiş, 2yîn Dadgeha Cezaya Giran ya Mêrdîn de ame vînayîş. Her di şaredarî beşdarê roniştişî nêbî labelê avûkatê înan amade bî. 

 

Roniştiş, dimayê tespîtkerdişê nasnameyan dest pêkerd û dima ra zî ewraqî ameyî wendiş. Roniştiş de dozgerî mutalaayê xo da dadgeh. Dozgerî, di mutalaayê xo de beyanê “şahidê nimite” yê ke emniyetî vatibi, “Mîyanê Bernameyê Pawitişê Şahidan de nîyê” û waşt ke Nilûfere û Gulistane bi sebebê “endamîya rêxistine” bêrê cezakerdiş. 

 

Avûkatan zî hemverê mutalaayê dozgerî de dem waşt. 

 

Dadgehe waştişê avûkatan qebûl kerd û roniştiş taloqê 10ê teşrîna verêne ame kerdiş.