DÊRSIM - Dêrsim de rojnamegeran bi beyanatêkê bale antî serê destbendkerdişê rojnamegeran û venga serbest veradayîşê rojnamegeran kerd. 

 

Rojnamegerê ke Dersim de yê seba paştdayîş bidê 22 kesê 7 rojî yo ameyê destbendkerdiş û 20 ci ra rojnameger ê  û bi amancê şermezarkerdişê tedayan meydanê Seyîd Riza de beyanatêk dayî çapemenîye.

 

Pêwa rojnamegeran, endamê Platformê Ked û Demokrasî, Parlamenterê Partîya Demokratîke ya Şaran (HDP) yê Dêrsimî Alîcan Onlu û Hemserekê Pêroyî yê Partiya Mintiqaya Demokratîke (DBP) Keskîn Bayindir zî mîyan de xeylêk kesî beşdarê çalakîye bî. Serê nameyê rojnamegeran de Cîhan Berkî beyanat da.

 

Cîhanî bale ant ser teda û zordarîyê vera rojnamegeran û vat: "Ma do nê polîtîkayê teda û tepisnayîşê rê nêmusê. Hemverê nê polîtîkayan ma veng danê rojnamegeran ke wayîrê meslegdaranê xo vejîyê. Seba meslegdaranê xo yê bi rojan o Amed de  tepişte yê, ma reyke bîn veng danê; rojnamegeran vera bidê, rojnamegerî sûc nîya."

 

Beyanat bi berzkerdişê sloganan peynî bi.