ÎZMÎR - Sereka ÎGCyî Dîlek Gappî da zanayene ke destbendkerdişê rojnamegeran yeno manaya heqaretê ro meslegdarîyî û wina vat: "Azadîya çapemenîye, azadîya girewtişê xeberan a. Tena serê rojnamegêran de ney, şima serê şarî de zî tehdîdêko pîl serf kenê." 

 

Amed de 8ê Hezîrane de mîyan de rojnamegera ajansê ma Safîye Alagaş û edîtora ma Gulşen Koçûk zî ci de, 20 rojnamegerî pêroyî 22 tenî ameyî destbendkerdiş. Rojnamegerî ke 4 rojî demê destbendkerdişê înan ame dergkerdiş, seba veradayîşê înan akademîsyenî, rojnamegerî, STO û rêxistinê cinîyan ra venga danê. 

 

Yew reaksîyonan ra Cemîyetê Rojnamegeran ê Îzmîrî ra ame. Sereka Cemîyetî Dîlek Gappî da zanayene ke azadîya çapemenî, azadîya girewtişê xeberan a ke di binê tehdîdî de ya. 

 

'Tena rojnamegerî ney, serê şarî de zî tehdîd o' 

 

Dîleke dîyar kerd ke Tirkîya de azadîya çapemenîye bi problem a û çapemenî bi her tewirî tehda û manîkerdişan dir yena rî bi rî. Dîleke beyanat kerd ke bi destbendkerdişê peyînî dir ameyê sewîyeyê ke her çîyî zelal vejîyeno werte û wina vat: "Nê çîyê yenê ciwîyayîş duştê demokratîkbîyayîşî de yo. Her tim di binê eynî klîşeyan de zilm ro rojnamegeran yeno kerdiş. Ma nê zilmî qebûl nêkenê. Eke biwazê bivînê ke rojnamegerî rojnamegerê yan ney, organîzeyê meslegdarî ra bipersê. Rojnamegerîyêke raste ganî bi tewirêke xoser bêro kerdiş. Seba nê zî ma qebûl nêkenê ke serdestîya mêrdeyî serê hêzê çaran ê demokrasîyî de xo bivîno. Ma qebûl nêkenê. Ma verê meslegdaranê xo de yê. Ma di cigêrayîşê heqî û huqûqî de verê înan de yê. Mimkum nîyo ke ma nê heqaretan qebûl bikerê! Şima tena azadîya rojnamegeran û azadîya girewtişê xeberan ney, şima azadîya şaran zî kenê binê talûkeyêko pîl." 

 

'Azadîya fikr û fehmî hedef yena girewtiş' 

 

Dîleke dewamîya qiseyanê xo de dîyar kerd ke her wext çapemenî di binê tehdayî de bîya, la bi nizdîbîyayîşê prosesê weçînayîşî dir nê tehdayî zêde bîyê û wina qal kerd: "Nizdîyîyê ke komele newe ra formule bikerê, stratejîyêke îstîmlaqî awan kerdê û nizdîyîyê hemverê çapemenîyî de yenê vînayîş. No nizdî ra yeno hîskerdiş. Fînak teslaqê qanûnêke çapemenîyî ame awankerdiş û ardê meclîsî. Ma sey rêxistine duştê nê de vejîyayî. Şima qanûnê çapemenî awan bikerê la ci de çapemenî çinî ya. Şima qanûnê dezenformasyonî hadre kenê la o qanûnêke sansurî yo. Seba nê ganî asasîyêke teknîkî yê qanûnê dezenformasyonî bibo. Tîya de asasîyêke ci ya ke hetê hemverê sûcdarî keno esto. Ma no bi da-des reyî otorîteran rê neql kerd. Ez îqtîdarî ra vana no şaş o." 

 

'Rêxistinê meslegdarî çinî yenê hesebnayene' 

 

Dîleke qal kerd ke hewl yeno dayîş ke qertê çapemenîyî nêdê rojnamegeran û di na babete de zî wina beyanat kerd: " Nê yewî zî rast nîyê. Verê çimanê heme dinya de ma qij fînenê. Sîstem zaf muhîm o. La sîstem eşkeno bi destê rêxistinî, rêxistinê meslegdarî û sendîqayan bêro kerdiş. Şima nê ra biremê, şima do nînan heta asteyê xo hîs  bikerê. Duştê nê rejîmê tehdayî de bêşik ma do vengê xo berz bikerê." 

 

'Dest ci ra veradê' 

 

Dîleke peynîyê qiseyanê xo de veng kerd ke ganî rojnamegerş di nezaret de bêrê veradayîş û no veng kerd: "Weyra de serebûte yan zî sûc bibo, bi rêxistinê meslegdarîyî dir newe ra bigîrê dest. Serê ma de hêz awan mekerê, dest nê ra veradê!"