RIHA - Çalakîya "Nobeta Edaletî" ya Keyeyê Şenyaşarî 461 rojî yo dewam kena. Keyeyî ewro mesajê xo de bale ant serê xoserbîyayîşê hukmî û nê mesajî pare kerd: "Têkoşînê bi bêhuqûqî dir deynê milê herkesî ke wayîrê exlaqî yo." 

 

Nobeta Edaletî ya keyeyê Şenyaşarî ke 9ê adara 2021 de Emîne Şenyaşar ke mêrde û di lajê ci 14'ê hezîrana 2018ine de hetê merdim û pawitoxê Parlamenterê AKPyî yê Rihayî Îbrahîm Halîl Yildiz ra ameyî kiştiş û lajê xo Ferît Şenyaşarî dir dabî destpêkerdiş, roja 461ine de dewam kena. Seba ke peynîya hewteyî yê bî keye nobeta xo keyeyê xo yê qezaya Pirsûsî de dewam keno û serê hesabê xo yê medyaya dîjîtale de parekerdiş kerd.

 

Keyeyî, parekerdişê xo de bale ant serê xoserbîyayîşê hukmî û nê mesajî pare kerd: "Dozger û dadgerê ke vanê, 'Ez huqûq serê her çî de bigîrî’ û serê namûs û şerefê xo de sond wanenê, verê kesê bihêz de ca gênê û demo ke waştişê qerarêk nêadil înan ra yeno waştiş sondê xo kenê xo vîr ra. Têkoşînê bi bêhuqûqî dir deynê milê herkesê ke wayîrê exlaqî yo.”