ANQARA - KESK û sendîkayê girêdayê ci, seba rojnamegerê ke Amed de sereştişê keyeyan de ameyê destbendkerdiş, serdayîşê destekdayîşî ajansê ma û yê MAyî kerd. 

 

Çarçewaya cipersayîşêk Serdozgerîya Komare ya Amedî 8ê nîsane de derheqê rojnamegeran de daya destpêkerdiş û 20 ci rojnameger 21 kesî ameyî destbendkerdiş. Konfederasyonê Sendîkayê Karkeran ê Îstîmlakî (KESK) û sendîkayê girêdayê ci seba teda û destbendkerdişê hemverê rojnamegeran û sazgehê înan serdayîşê paştdayîşî Temsîlkarîya ajansê ma û yê MAyî yê Anqarayî kerd. Hemserekê Pêroyî yê KESKî Mehmet Bozgeyîk, Serekê Pêroyî yê Sendîkayê Milê Ramitişî, Daristan, Hawîrdorî û Pesdewarî yê Îstîmlakî (Tarim Orkam-Sen) Ahmet Keleş û xeylê îdarekarê KESKî tewrê serdayîşê paştdayîşî bî.

 

Mehmet operasyonê vera rojnamegeran yenê kerdiş sey xitimnayîşê îqtîdarî yê vernîya weçînayîşî û zorberdişê polîtîkayê şerî erjna û vat ê do tim verê rojnamegerê ke rastê teda yenê de vinderê. 

 

Rojnameger-nuştox Huseyîn Aykol zî dîyar kerd ke bi 32 serrî yo rojnamegerî kenê û nê rayîrî de 50 ra zêdeyêr embazê înan wexto ke karê xo kerdêne ameyî qetilkerdiş. Huseyînî dîyar kerd ke pêwa teda û zordariyan zî ê do karê xo bikerê.