AMED - 21 Rojnamegerê ke xebatkarê çapemenîya azade yê, 3 rojî yo hucreyê yew kesî de yenê tepiştiş.

 

Netîceyê sereştişê keyeyan ke 8ê Hezîrane de Amed de kerdî, 20 ci ra rojnamegerî bi pêroyî 21 kesî ameyî destbendkerdiş. Na çarçewa de vera ke zanayîş bidê, eştibî serê buroyê Ajansê ma yê qezaya Yenîşehîrî ya Amedî û dest dabî serê kompîturanê ma û hardîskan. Sewbîna mîyanê kesê ke ameyî destbendkerdiş de Mudura Xeberan ê Ajansa ma Safiye Alagaş û edîtora ma Gulşen Koçuk û Hemserekê Komeleya Rojnamegeran ê Dîcle Firatî (DFG) Serdar Altan zî esto.

 

Feynaz Koçuk ardî Amed 

 

Çarçewaya eynî cipersayîşî de Gebze de eştbî serê keyeyê Feynaz Koçuk û ey destbend kerdibî. Ame neqlkerdiş ke Feynazî vizêr şan de ardê Amed.

 

Hucreyê yew kesî de yenê tepiştiş

 

Ame neqlkerdiş ke derheqê dosyaya rojnamegerê ke destbendkerde yê hata nika avûkatanê înan rê tu xebere nêameya dayîş.

 

Reaksîyonê rayaumumî hemverê destbendkerdişê rojnamegeran dewam keno.