AMED - Rojnamegere Gulşen Koçuk û Safîye Alagaş yê ke vizêr ameyî destbendkerdiş, dîyar kerdî ke prosesê bi nê rengî de paştdayîş girîng o û vatî ke ê do pêro şert û mercan de binusê û qisey bikerê.

 

Vizêr Amed de serê sibayî de çarçewaya cipersayîşê ke amebi destpêkerdiş de eştbî serê buroyê Ajansê ma û eştbî serê xeylê keyeyê rojnamegeranê kurdî de. Sereştişan de, mudura xeberan a ajansê ma Safiye Alagaş, edîtora ma Gulşen Koçuk zî mîyan de tewr tay 21 kesî ameyî destbendkerdiş.

 

Safîye û Gulşene yê ke Mudurîyê Emnîyetî de yenê tepiştiş, bi rayîrê avûkatanê xo seba rojnamegerê ke paştdayîş dayî mesajêk pare kerdî û vatî, "Nê şert û mercan de paştdayîş girîng o û ê do heme şert û mercan de binûsê û qisey bikerê.