MERKEZÊ XEBERAN - 1in Festîvalê Cinîyan ê Şehîd Sema (Fatoş Saglamgoz) bajarê Goteborgî yê Swêdî de bi coşêko pîl ame kerdiş.

 

Cinîyê kurdî yê welatê Skandînavyayî, 1in Festîvalê Cinîyan ê Şehîd Sema (Fatoş Saylamgoz) de ameyî têhet. Festîvale 5ê Hezîrane de bajarê Goteborgî yê Swêdî de bi sloganê, “Xo ver bide, xo bi organîze bike û bi rengêko azad biciwî” ame kerdiş.

 

Festîvala ke hetê Yewîya Cinîyan ê Kurdî Skandînavyayî (YJK-Skandînavya) de ame organîzekerdiş, meydanê Gûstav Adolfstorgî de ame kerdiş û cinîyê xeylêk neteweyê cîya zî tewr bî.

 

Pêwa deyîran festîvale de mesajê sema yewîye û birêxistinkerdişê cinîyan ame dayîş. Festîvale de defîleyê cil û belgê kurdî ameyî ramojnayîş û xeylêk bale ant.

 

Hunermend Çopî Fetah, Evîn Akbaş, Ozan Fîgen, Girîn Cizîrî, Koma Govendî ya Kênayê Rojawanî, Koma Defî ya Hejîn (Cinîyê Rojhelatî), Koma Folklorê ya Hindî (The third eye) vejîyayî serê sehne û hunerê xo pêşkêş kerdî.

 

Meydanê festîvale de xeylêk standê werdê kurdî zî ameyî dayîş.

 

Festîvale ke bi coşêke pîl derbas bî, xoverdayîşê cinîyan ê hemverê faşîzmê Tirkîya ame silamkerdiş.