RIHA - Keyeyê Şenyaşarî ke roja 454ine de têkoşînê xo ya edaletî dewam keno, nê mesajî pare kerd: "Merdimî rê sey awe, hewa û rojê huqûqî zî lazim o. Ma wazenê ke rojêke ke roja huqûqî berz bena aya bê.”

 

Emîne Şenyaşar ke mêrde û di lajê ci 14 Hezîrane 2018î de hetê merdim û pawitoxê parlamenterê AKPyî Îbrahîm Halîl Yildizî ra ameyî kiştiş, bi lajê xo yê Ferît Yaşarî dir 9ê adara 2021 de verê Edliyeyê Rihayî de dest bi Nobeta Edaletî kerdî. Nobeta Edaletî yê keyeyê Şenyaşarî roja 454ine dedewam kena. 

 

Seba ke ewro peynîya hewteyî ya û edliye padeye ya Emîne Şenyaşar nobeta xo keyeyê xo ya qezaya Pirsûsî û lajê ci Ferît Şenyaşar zî seba beşdarbîyayîşê panelê ke 7 partî û rêxistinê seba têkoşînê hempar ameyê têhet bi babeta "Seba ameyoxê Tirkîya Vîr, Heqîqet û Hesappersayîş" Anqara de kenê şîyo Anqara.

 

Keyeyî serê hesabê xo yê medyaya dîjîtalî de nê mesajî pare kerd: "Merdimî rê sey awe, hewa û rojê huqûqî zî lazim ê. Ma wazenê rojêke ke roja huqûqî berz beno aya bê.”