ANQARA - Kombîyayîşê ciwanan de Vervatoxa Meclisê Ciwanan ê HDPyî Dêrsim Dag qisey kerd û dîyar kerd ke do bi têkoşînê hempar ê faşîzmî birijnê.

 

Meclisê Ciwanan ê Partîya Demokratîke ya Şaran (HDP) merkezê pêroyî yê partîya xo de kom bî. Xeylêk ciwanî tewrê kombîyayîşî bî. Vervatoxa Meclisê Ciwanan û Parlamentera Amedî Dêrsim Dag destpêkê kombîyayîşî de qisey kerd. Dêrsime dîyar kerd ke demêk derg o Meclisê înan qerarê Meclisbîyayîşî bi ca ardo û no no kombîyayîşo ewil ê Meclisê Ciwanan ê Merkezî ke kenê û seba xebatê ciwanan serkewtiş waşt. 

 

Dêrsime dîyar kerd ke demêk derg o serê endamê Meclisê Ciwanan ê HDPyî û wendekaran bi hawayêk sîstematîk destbendkerfiş, tepiştiş û remnayîşî yenê kerdiş û vat: “Ma nimûneyo ê peyîn Amed de hewteyêk verê dî 10 embazê ma ke endamê Meclisê ma yê bi hawayêk bêhuqûqî ameyî tepiştiş. Ma tîya silamanê xo înan rê şawenê. Îqtîdaro ke hewl dano xebatkaranê Meclisê ma bi destbendkerfişan, tepiştiş û tedayan zor bero, ewro kombîyayîşê ma cewabo tewr pîl o înan rê. Ma do rêxistinbîyayîşê xo vila bikerê û cewabo tewr baş bi no hawa bidê îqtîdar.”

 

Dêrsime eşkera kerd ke hêrişê sîstematîkî yê îqtîdarî tena serê Endamê Meclîsî yê Ciwanan ê HDPyî de yenê ca û wina qisey kerd: "Di nê wextê peyîn de hêrişê zêdeyî serê wendekaranê unîversîteyan de zî yenê ca. Tewr peynî wendekarê Unîversîteyê Munzûrî û wendekarê ODTUyî  bi tewirêke eksê huqûqî ameyî destbendkerdiş. Amancê ê tehda û destbendkerdişan, o yo ke organîzebîyayîş û xebatê ciwanan û wendekaran sist bikerê û apey berê. Ma baş zanenê ke do endamê meclîsa ma û ciwanê rêxistinê bînî sere verê tehdîd, tehta û destbendkerdiş û girewtişê nê îqtîdarî de nêtewênê. Ma têkoşînê bi rihê Denîz Gezmîşî, Îbrahîm Kaypakkayayî, Mezlûm Doganî, Alî Çîçekî û xeylêk sehîdê bînî dore girewtê û ma do nînan heta peynî bidomnê. Ma tîya de reyêke bîn ramojnayîş kenê ke ma do bi têkoşînê muşterekî faşîzmî birijnê." 

 

Dêrsime dîyar kerd ke ciwanî do hemverê hêrişan de sere nêtewênê û wina qal kerd: "Ciwanî do xo bi xo ray berê û xo hişmend bikerê û do her çî xo bi xo bikerê. Ma do hema zafêrî xo organîze bikerê û têkoşînê xo pîl bikerê. Serkewtiş do yê ma bo. Ma sey Meclîsê yê Ciwanan ê HDPyî yenê ke îqtîdarê ciwanan awan bikerê. Sey ke ciwanan her tim vanê, rayî-mayî seba AKPyî çinî yê. Ciwanî do bi xo îqtîdarê xo, vatişê xo awan bikerê û do îradeyê xo ramojnê." 

 

Dimayê qiseykerdişê Dersîm Dage kombîyayîş çapemenîyî rê padaye dewam kerd.