ANQARA  - Heyetê Îdarekarîyê Merkezî yê Partîya Demokratîke ya Şaran(HDP) beyanat da ke hêrişê serê HDKyî de, ferzkerdişê yewkî yo.

 

Heyetê Îdarekarîyê Merkezî yê Partîya Demokratîke ya Şaran (HDP) razînêbîyayîşê xo mojnayî hêrişan ê serê merkezanê Kongreya Demokratîke ya Şaran (HDK) û GOÇ-DERî. 

 

Di beyanatê nuştekî de wina ame eşkerakerdiş: 

 

"AKP yo ke roj bi roje sist beno, zafêr hêrişan keno û hêrişê serê her qismê komelkî de zêde keno. Bi pêlê hêrişî dir ke no serê sibayî  hemverê Kongreya Demokratîke ya Şaran (HDK) û GOÇ-DERî de ame kerdiş: Endamê ma yê Heyetê Îdarekarîyê Merkezî û îdarekarê partîya ma zî di mîyan de xeylêk sîyasetmedarî û aktivîstî ameyî destbendkerdiş. Destbendkerdiş sey ke her reyî keno, seba nê hêrişî zî meşrû bikero bi rayîrê çapemenîya qatile ke sînorê huqûqî û exlaqî binpay kenê û propagandayêke sîyakerde û dezenformasyonî ya lêşine fînayê dewre. 

 

Kam ke waştişê aştî, demokrasî, seyyewbînî heqî û azadî kenê, nê welatî de hetê îqtîdarî ra seke 'Terorîst' yenê pênaskerdiş. AKP nê welatî de neyarê her rengî û Partîya Demokratîke yo. No yew îşaretêke mezgê tarî û yewkî yo ke îqtîdar serê komele de ferz keno. 

 

Ê, hêrişê nê sibayî yê îqtîdarî hêrişêke tersonek û teverê huqûqî de bi rengê tewr tehdayî şermezar kenê. Ma wazenê embazê ma pêro bêrê veradayîş. Şima se kenê  bikerê, şima çi qasî hêriş kenê bikerê, şima do vindî bikerê. HDK û HDP bi caameyê xo do ameyoxê nê welatî bi mezgêke demokratîk newe ra awan bikerê.”