RIHA - Emîne Şenyaşar û lajê xo Ferît Şenyaşar çalakîya Nobeta Edaletî de venga wezîrê edaletî û baroyê Stenbol û Anqarayî kerd û wina vatî: “Rewşa bîyaye ya sîstemê huqûqî de heme kesê xo bêvengî de verdenê, berpirsyar ê.” 

 

Merdim û pawitoxê parlamenterê AKPyî Îbrahîm Halîl Yildiz 14ê hezîrana serra 2018ine de qezaya Pirsûsî ya Rihayî de hêrişê dikanê keyeyê Şenyaşarî kerd. Hêriş de mêrde û 2 lajê dayîka Emîne Şenyaşar ameyî qetilkerdiş û lajê aye Ferît Şenyaşar zî bi birîndarî xelas bi. Seba tepiştiş û muhakemekerdişê kiştoxan, Emîne û Ferît Şenyaşar 9ê adara serra 2021 de vernîya Edliyeyê Riha de dest bi çalakiya Nobeta Edaletî kerd. Çalakîya keyeyî roja 450ine de zî dewam kerd. Emîne seba ke nêweşe bî, nêeşka beşdarê nobete bibo la Ferît Şenyaşar ame verê berê edliye û “Quncikê edaletî yê keyeyê Şenyaşarî” de dest bi çalakîya xo kerd.

 

Derheqê babete de serê hesabê xo yê medyaya dîjîtalî de wezîrê edaletî, baroyê Stenbol û Anqarayî etîket kerd û nê mesajî pare kerd: “Yê ke çimê xo zilmê vernîya Edliyeyê Riha de yenê kerdiş de gênê, do siba kam ci rî bikewê mîyanê şarî? Rewşa bîyaye yê sîstemê hûqûqî, heme kesî xo bêvengî danê ro berpirsyar ê.”