AMED - Tepişteyê ke bi telefon keyeyê xo dir qisey kerdî, dîyar kerdî ke Zîndanê Cinîyan ê Amedî hetê gardiyanan ra tatbîqatê hêrişî yeno kerdiş.

 

Ame dîyarkerdiş ke Zîndanê Cinîyan ê Amedî ke bi binpaykerdişê heqan yeno rojeve tatbîqatê hêrişî kerdê. Tepişteyan, bi telefon keyeyê xo dir qisey kerdî û neql kerdî ke rojê peyîn de bi tewrbîyayîşê 15 gardiyanan tatbîqatê hêrişê yeno kerdiş. 

 

Goreyê malûmatê ke tepişteyan keyeyê xo rê neql kerdê ke, 4 qardîyanî kewtê dilqê tepişteyê sîyasî û siloganê sey  "Bi tehdayî nêeşkenê ma apey berê " berz kerdê û gardîyananê bînan zî hêrişî kerdê.

 

Tepişteyan keyeyê xo ra vatê ke bi tatbîqatî hadreyîya hinî çîyan yenê kerdiş. Sewbîna tepişteyî keyeyê xo rê neql kerdê ke, kamerayan qawişan de ca kerdê û caardişê cigêrayîşê vîranî domnenê û aktivîteyê komelkî yenê qedexekerdiş.