ANQARA - Dimayê qetilkerdişê Fatma Altinmakas ke seba bi kurdkî îfade da îfadeyê ci nêkewt zabitname û dima ra ameye qetilkerdiş, 2 serrî dima KADESî diyar kerd ke ê do pêwa ziwanê Kurdkî 5 ziwanê bîn zî  KADESî bêrê zêdekerdiş. 

 

Mudura Têkoşînê hemverê Şîdetê serê Cinîyan û Mîyanê Keyeyî yê Wezaretê Awanîya Asayîşê Doktore Sibel Ozdemir, kombîyayîşê xeberdarîya çapemenîye ya Merkezê Taqîbkerdişî yê Kelepçeyê Elektronîkî idia kerd ke ganî do pêwa ziwanê Kurdkî 5 ziwanê bînî zî Caardişê Paştdayîşê Lezgînî ê cinî (KADES) ke 2018ine de ame caardiş, bêrê zêdekerdiş.

 

‘Do bi 11 ziwanan xizmet bikero’

 

Sibele dîyar kerd ke heta nika 400 hezar cinîyan îxbar kerdo û 5 deqeyan de mudaxaleyê îxbaran yeno kerdiş. Sibele vat, seba caardişê KADESî bireso verê  destê xeylêk kesî bi ziwanê cîya tercumantî yeno kerdiş. Heta nika bi ziwanê Îngilizkî, Tirkî, Fransizkî, Rûskî, Erebkî, Fariskî xizmet ameyîne dayîş. Nika ma do vejê 11ine. Ma do ziwanê Kurdkî, Elmanî, Îspanyolî, Ozbekî, Kirgizî zî zêde bikerê.”

 

Îfadeyê Fatma Altinmakas nêamebi girewtiş

 

KADES ke 2018ine ra mîyanê faliyetî de yo û iddia keno ke ê şîdetê vera cinî asteng kenê 4 serrî dima qerar da ke ziwanê diyîn ê ke nê welatî de tewr zêde yeno qiseykerdiş, ci zêde bikerê. Na rewşa Fatma Altinmakas ard vîrê ma. Fatma ke Dewa Qêranlîyî ya Milazgirî ya Mûşî de ciwîyayîne bi tecawizê birayê camêrdê ke ci dir zewicnayebî rî bi rî mende. 12ê Temmuza 2020î de ameye Qereqolê Cendermeyê Konakkuranî û tecawuzkar gerre kerd. Labelê bi bahaneyê tercuman çin o ifadeyê ci nêkewt zabitname.