Sema Çaglak 

 

ŞIRNEX - Bi ameyîşê Wisarî Botan bi rengê xozayî xemilîya vilik û sosinî reng bi rengî mîyanê hemsenceyî de merdimî hemverê weşikbîyayîşê xo de mird verdenê. No ware seke cenetî pêwa nê weşikîya xozayî bi vengê milçikan û awa çeman ra herikêna mirdîya  pesîndarî esta. 

 

Mintiqaya Botanî pêwa tarîxê xo yê bi dejî, bi xoverdayîşê xo zî yena nasnayîş. La vêşêrî nê heminan bi weşikbîyayîşê xozaya xo zî namedar a. Hem şaristan û hem her qezayêke ci sey yew yewî ra weşikêrê, renginêrê û her yew înan ra wayîrî xusûsîmendeyêke ya. Ameyîşê wisarî dir koyî û wareyî na mintiqa heme rengê wisarî yê zergûn, sûr, zerd, spê û keweyî verê çimanê merdimî de rafînenê. Berzîya koyî û wareyan merdimî matmende verdena û pêamekerdişê rengê pişkokê  daran zî erjîyayê vînayîşî yê. 

 

Bi no mewsîmê yê rengîne de ma zî verê xo da qezaya Elkî ya Şirnexî û çend dîyayîşkî û fotografê rengîn ê xozayî ra waşt bi objektîfê  xo bifînê vernîyê şima. Qezaya Elkî bi xusûsî bi berzîya koyanê xo seke Kato, Jîrka û wareyê Feraşînî namedar a.  Xozaya Elkî ra boya vilik û pişkokan, sosin û beybûnan firrîyena. Na boya ke firrîyena merdimî mest kena û vengê awa ke çeman ra herikêna zî aramî dana merdimî. Sewbîna mintiqa bi keweyîya xo ya xozayî zî sey cenetî û erjîyayeyê vînayîşî ya.