Derya Ren 

 

AMED - Hemsereka OHDyî ya Amedî avûkate Ozum Vûrgûne eşkera kerd ke xoverdayîşê duştê tecrîdî de ganî bi zîndanan sînordar nêmanê û vat yewin çîyo ke tecrîdî werte ra wedaro azadî û hewldayîşê azadîye yo. 

 

Tecrîdê serê Rayberê PKKyî Abdullah Ocalanî 23 serrî yo domneno û tepişteyê bînî yê sekreterîyî di prosesê çareserîyî de berdê Îmralîyî Veysî Aktaş, Omer Hayrî Konar û Hamîlî Yildirim zî 25ê Adare ya 2021î ra heta nika malûmatêke înan ra nêameyo girewtiş. Tewr peynî Abdullah Ocalan 7ê Tebaxe ya 2019î de avûkatan dir pêvînayîş kerdbi. Muracatê keyeyî zî bi behaneyê cîyayî yenê manîkerdiş. 

 

Hemsereka Komeleya Huqûqnasan ê seba Azadîye (OHD) ya Amedî avûkate Ozum Vûrgûne derheqê babete de erjnayîş kerd. 

 

'23 serrî yo tecrîd domneno' 

 

Ozume, beyanat kerd ke tecrîd seke 'Qirkedişê têkilîya kesêke yo komele ra durî û verdayîşê bi tena sereyê xo' yeno pênaskerdiş û vat tecrîd merdiman wareyê sosyolojîk û kulturî ra birneno. Ozume wina beyanat kerd: "Tecrîdo ke Îmralî de eksê merdimî yo. Pêwa nê ganî serê tu ganîyî de no nêro kerdiş. La 23 serrî yo tecrîd Îmralî de giranêr bîyo, beno. No tecrîd tesîr serê heme hetê komele keno. No proseso peyîn de serê ziwanî de kerdo û wareyê hukmî, sîyasî û komelkî de dewam keno. Programê Roşanê Ziwanê Kurdkî ameyî qedexekerdiş. Walîtî qedexe kerd. Merdiman binê muşahîdîya polîsan de program ard ca." 

 

'Kurdî ameyê tecrîdkerdiş' 

 

Ozume dîyar kerd ke Komara Tirkîya hewl dana Kurdan perçe bikero û heqê înan destê înan ra bigîro û wina qal kerd: "Tecrîdo girano ke serê Kurdan de rojê vîyarteyî de bi eşkera ameyo vînayîş. Programê qanûnî de merdimî ameyê ablûqakerdiş û tecrîdkerdiş. Kocaelî, Anqara û şaristananê bînî de konserê hunermendê Kurdan ameyî qedexekerdiş. Hêrişê hemverê Kurdkî de yena manaya tecrîdkerdişê Kurdkî. Tecrîd zîndanan ra vejîyayo û serê ziwanî de yeno kerdiş. 25ê Teşrîna Peyîne,  8ê Adare, 21ê Adare, 1ê Gulane merdimî ameyê tecrîdkerdiş. No ferasetê dewlete ya faşîstî yo." 

 

'Xoverdayîş tena seba tepişteyan nîyo' 

 

Ozume bale ante serê xoverdayîşê duştê tecrîdî û vat ke tecrîdo zîndan de derbas kenê û serê nê de zî tecrîdêke giran esto û nê erjnayîşî kerd: "Serê tepişteyê sîyasî û edlî de tecrîdêke esto, biamancê tersnayîşî yeno kerdiş. Zîndanan de duştê tecrîdî de xoverdayîşêke esto, la ganî bi zîndanan sînordar nêmano." 

 

'Heme cinî binê tecrîdî de yê' 

 

Ozume dewamîya qiseyanê xo de nê çîyî erjnayîş kerdî: "Tayînkerdişê qeyûman, muhakemekerdişê HDPyî zî rewşêke bîn ê tecrîdî yo. Heme cinî zî binê tecrîdî de yê. Tirkîya de serê heme cinîyan de tecrîd esto. Ma nika ewnenê heme aktivîstê cinîyî yenê muhakemekerdiş." 

 

'Ganî azadî  bêro verhîrakerdiş' 

 

Ozume peynîyê qiseyanê xo de nê çîyî qal kerd: "Awanbîyayîşê faşîstîyê Tirkîya, bîyayîşê xo bi polîtîkayê şerê xusûsî keno. Duştê hêrişan de ganî azadî her wareyî de bêro averfînayîş. Yewin çîyo ke tecrîdî çinî bikero azadî û hewldayîşê azadîye yo. Cayo ke tewr zêdeyêr şîdet û îşkence ci de yê, zîndan ê. Xoverdayîşê pîlî ganî duştê nê de bêrê ca."