ANQARA - HDPyî bi wesîleya 17-31ê gulane 'Hewteyê Têkoşînê vera Vînîkerdişî yê Mîyanneteweyî' eşkerayîyêke daye û vat: “Hesabê nê vînîkerdişî do bêro persayene.”

 

Hetkarê Hemserekê Pêroyî yê Partiya Demokratîke ya Şaran (HDP) ê Komîsyonê Heqê Merdiman û Huqûqê Berpirsyarî Umît Dede derheqê, Hewteyê Têkoşînê Hemverê Kesê ke Destbendkerde de Ameyê Vînîkerdiş ê Mîyanneteweyî ke her serre hewteyê 17-31ê gulane de yeno kerdiş, eşkerayîyêke daye.

 

Eşkerayî de wina ame vatene: 

 

“Dewlete derheqê serebûtanê vînîkerdişan de qetî tehqîqatêko hîra nêkerdo, dosyayê nê dewaya  bêwayîr verdîyayî û zafê dosyayî zî seba ke 'wextê ci qedîyayo' ameyî qefilnayene. La sûcê hemverê merdimayî de demvîyarte de çin o. Dewlete ê rîyê xo kiştoxî bi metodê huqûqî yê wina erjan nimit o.

 

Rixmê nê tabloyê tarîyî zî Komeleya Heqanê Merdiman, Mayanê Şemeyî, merdimanê tepişteyan qetî têkoşînê xo ra fek vera nêda û ewro zî nê merdimî cigêrayîşê xo yê edaletî rê dewam kenê. Mesuldarê serekeyî yê nê serebûtan hukmatê tersnakî yê ke nêeşkayî nê kerdişan de têrî bêrê. Ma venga pêro mesuldaran danê ke arşîvanê xo akerê, komîsyonan awan bikerê û bi hawayêkê raştî nê kerdişan de têrî bêrê. Eke wina nêbo welat tim mîyanê tarîtîye de bimano. Ma soz danê ke hesabê sûcanê vînîkerdişan bipersê.”