MÊRDÎN - Wesayîtê seba şînê ke Stenbol ra ameyîne Stewr, qeza kerd. Emine Oncel û mêrdeyê ci Osman Oncel dinyaya xo bedilnayî.

 

Dewa Baqustanî ya qezaya Stewrî ya Mêrdînî de şofêrî hakîmîyetê dîreksiyonî vînî kerd û qeza ameye meydan. Wesayît gindorê şarampolî bi, gina daran ro û adir kewt ci. Emine û Osman Oncel û tutê înan Hanifi Oncel wesayît de bî. Serê xeberdarîya kesê der û dorî, ekîbê îtfaîye û weşîye ameyî cayê serebûtî.

 

Adirê wesayîtî ame tefênayîş û Hanifi Oncel bi birîndarî ame vetiş.  Emîne û Osman zî dinyaya xo bedilnayî.

 

Ekîbê weşîye cenazeya Emîne û Osmanî berdî Sazgehê Tipa Edlî yê Meletî û Hanifi Oncel ke birînê ci yê şewatî giran ê berdî Nêweşxaneyê Dewlete ya Mêrdînî. 

 

Ame zanayîş ke keye seba şînê merdimanê xo Stenbolîyî ameyê Stewrî.